InternationalLatest
ജുബൈലിന് യുനെസ്കോ പുരസ്കാരം
ജുബൈല്: യുനെസ്കോ അന്താരാഷ്ട്ര അവാര്ഡ് ജുബൈല് വ്യവസായികനഗരത്തിന്. ലേണിങ് സിറ്റികള്ക്കായുള്ള യുനെസ്കോ ഗ്ലോബല് നെറ്റ്വര്ക്കാണ് അവാര്ഡ് പ്രഖ്യാപിച്ചത്. ജുബൈല് ഇന്ഡസ്ട്രിയല് സിറ്റി ഫോര് ലേണിങ് പ്രതിനിധിയും ജുബൈല് റോയല് കമീഷന് സി.ഇ.ഒയുമായ ഡോ. അഹമ്മദ് ബിന് സൈദ് ആലു ഹുസൈന് അവാര്ഡ് ഏറ്റുവാങ്ങി.
ജുബൈല് വ്യവസായികനഗരം പ്രതിനിധാനം ചെയ്യുന്ന സൗദി അറേബ്യ എന്ന മാതൃരാജ്യത്തിന്റെ പേരില് ഈ ആഗോള ഫോറത്തില് നില്ക്കാന് കഴിയുന്നത് തനിക്ക് വലിയ ബഹുമാനവും സന്തോഷവും നല്കുന്നുവെന്ന് ജുബൈല് റോയല് കമീഷന് സി.ഇ.ഒ പറഞ്ഞു.