ന്യൂഡല്ഹി:രാജ്യത്ത് 10,853 പുതിയ കോവിഡ് കേസുകള് കൂടി. കഴിഞ്ഞ 24 മണിക്കൂറിനിടെ 526 പേര് കോവിഡ് ബാധിച്ച് മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. ഇതോടെ ഔദ്യോഗികമായി രേഖപ്പെടുത്തപ്പെട്ട ആകെ മരണം 4,60,791 ആയി ഉയര്ന്നു.
നിലവില് 1,44,845 പേരാണ് ചികിത്സയിലുള്ളത്. കഴിഞ്ഞ 260 ദിവസത്തിനിടയിലെ ഏറ്റവും താഴ്ന്ന കണക്കാണിത്. പ്രതിദിന കോവിഡ് കേസുകള് തുടര്ച്ചയായ 30 ദിവസങ്ങളായി 20,000 ല് താഴെയാണ്. 135 ദിവസമായി 50,000 ല് താഴെയാണ് പുതിയ കേസുകള്. കഴിഞ്ഞ 24 മണിക്കൂറിനിടെ 12,432 പേര് രോഗമുക്തരായി.