തിരുവനന്തപുരം: സര്ക്കാര് എന്ജിനീയറിങ് കോളജുകളിലെ ഹോസ്റ്റല് പ്രവേശനത്തിന് മുന്ഗണന ലഭിക്കാന് വിദ്യാര്ഥിയുടെ കുടുംബത്തിന്റെ വാര്ഷിക വരുമാനം കൂടി മാനദണ്ഡമാക്കി സര്ക്കാര് ഉത്തരവ്.
പൊതുവിഭാഗത്തില് പ്രവേശനം മെറിറ്റിന്റെയും ദൂരത്തിന്റെയും അടിസ്ഥാനത്തിലായിരുന്നു. ഇത് മെറിറ്റിന്റെയും കുടുംബ വാര്ഷിക വരുമാനത്തിന്റെയും അടിസ്ഥാനത്തിലാക്കിയാണ് ഉത്തരവ്.
മുന്ഗണന വിഭാഗത്തില് വരുന്ന എസ്.സി/എസ്.ടി/പി.എച്ച്/ബി.പി.എല്/ ഇതര സംസ്ഥാനക്കാര്/കേന്ദ്ര സര്ക്കാര് നോമിനി വിഭാഗങ്ങളിലുള്ള കുട്ടികള്ക്ക് പരിധിയില്ലാതെ മുഴുവന് അപേക്ഷകര്ക്കും സീറ്റ് അനുവദിക്കാനും ഉത്തരവില് നിര്ദേശമുണ്ട്. നേരത്തെ ഇവര്ക്ക് 20 ശതമാനം സീറ്റായിരുന്നു നീക്കിവെച്ചിരുന്നത്.