വിദേശികളോട് രാജ്യം വിടാന് ആവശ്യപ്പെട്ട് കുവൈത്ത്
കുവൈത്ത് സിറ്റി: നൂറു വിദേശികളോട് രാജ്യം വിടാന് ആവശ്യപ്പെട്ട് കുവൈത്ത് ആഭ്യന്തര മന്ത്രാലയം. ഇതില് കൂടുതലും ലെബനാന് പൗരന്മാരാണ്.ഇറാന്, യമന്, ഇറാഖ്, പാകിസ്താന്, അഫ്ഗാനിസ്താന്, ബംഗ്ലാദേശ്, ഈ ജിപ്ത് എന്നിവിടങ്ങളില്നിന്നുള്ളവരാണ് ബാക്കി. ഇവരില് കുടുംബസമേതം താമസിക്കുന്നവര് കുടുംബത്തെയും കൊണ്ടുപോകണം. പൊതുജന താല്പര്യാര്ഥമാണ് നടപടിയെന്ന് ആഭ്യന്തര മന്ത്രാലയം വിശദീകരിച്ചു. തിരിച്ചയക്കുന്നവരില് ചിലര് ലെബനാനിലെ ഹിസ്ബുല്ല പ്രവര്ത്തകരുടെ അടുത്ത ബന്ധുക്കളാണ്.ബാക്കിയുള്ളവര് കള്ളപ്പണം ഉള്പ്പെടെ ഗുരുതര കേസുകളുമായി ബന്ധപ്പെട്ടവരാണ്. 100 പേരെയും അറസ്റ്റ് ചെയ്യുകയോ ജയിലിലടക്കുകയോ ചെയ്തിട്ടില്ല. താമസാനുമതി പുതുക്കി നല്കുന്നില്ലെന്നും വൈകാതെ രാജ്യം വിടണമെന്ന് നിര്ദേശിക്കുകയുമാണ് ചെയ്തത്. രാജ്യം വിടുന്നുവെന്ന് ഉറപ്പാക്കാന് പൊലീസ് നടപടി സ്വീകരിക്കും.