മെഗാ ലേലത്തിന് മുന്നോടിയായി, നിലവിലെ ചാമ്പ്യന്മാരായ ചെന്നൈ സൂപ്പര് കിംഗ്സ് ഇന്ത്യന് പ്രീമിയര് ലീഗിന്റെ അടുത്ത മൂന്ന് സീസണുകളിലും തങ്ങളുടെ നായകന് മഹേന്ദ്ര സിംഗ് ധോണിയെ നിലനിര്ത്താന് തീരുമാനിച്ചു.
ധോണിയെ കൂടാതെ, സിഎസ്കെ 2021 ഐപിഎല് കിരീട നേട്ടത്തില് പ്രധാന പങ്കുവഹിച്ച ഓള്റൗണ്ടര് രവീന്ദ്ര ജഡേജയെയും ഓപ്പണര് റുതുരാജ് ഗെയ്ക്വാദിനെയും ഫ്രാഞ്ചൈസി നിലനിര്ത്തിയിട്ടുണ്ട്. ബിസിസിഐ നിയമങ്ങള് അനുസരിച്ച്, ഓരോ ടീമിനും പരമാവധി നാല് കളിക്കാരെ നിലനിര്ത്താന് അനുവാദമുണ്ട്. മൊയീന് അലിയെയും ടീമില് നിലനിര്ത്താന് ടീം തീരുമാനിച്ചിട്ടുണ്ട് .
ചെന്നൈയിലെ ചെപ്പോക്ക് സ്റ്റേഡിയത്തിലെ സ്ലോ ആന്ഡ് ടേണിംഗ് ട്രാക്കില് അലി ഉപയോഗപ്രദമായ കളിക്കാരനാകും, എന്നിരുന്നാലും, തുടരാന് അദ്ദേഹം സമ്മതിച്ചില്ലെങ്കില്, സിഎസ്കെ മറ്റൊരു ഇംഗ്ലണ്ട് ക്രിക്കറ്റ് താരം സാം കുറനെ അവരുടെ നാലാമത്തെ കളിക്കാരനായി നിലനിര്ത്തുമെന്നുമാണ് റിപ്പോര്ട്ട്. തന്റെ അവസാന ടി20 മത്സരം ചെന്നൈയിലായിരിക്കുമെന്ന് നേരത്തെ ധോണി തന്നെ സ്ഥിരീകരിച്ചിരുന്നു.