ജര്മനിക്ക് ആദ്യ വനിതാ വിദേശകാര്യമന്ത്രി
ബെര്ലിന്: ജര്മനിയിക്ക് ആദ്യ വനിതാ വിദേശകാര്യമന്ത്രി. ഗ്രീന് പാര്ട്ടി സഹനേതാവ് അന്നലീന ബെയര്ബോക്കാണ് ജര്മനിയുടെ ആദ്യ വനിത വിദേശകാര്യമന്ത്രിയാകുന്നത്. ഗ്രീന് പാര്ട്ടിയാണ് ഇക്കാര്യം പ്രഖ്യാപിച്ചിരിക്കുന്നത്.
സെപ്റ്റംബര് 26 ലെ പാര്ലമെന്റ് തെരഞ്ഞെടുപ്പില് ആര്ക്കും ഭൂരിപക്ഷം ലഭിക്കാത്തതിനെത്തുടര്ന്ന് ജര്മനിയില് ഗ്രീന് പാര്ട്ടിയുടെ നേതൃത്വത്തില് ത്രികക്ഷി സര്ക്കാര് രൂപവത്കരിക്കാന് ധാരണയായിരുന്നു.
സോഷ്യല് ഡെമോക്രാറ്റിക് പാര്ട്ടി, ഫ്രീ ഡെമോക്രാറ്റിക് പാര്ട്ടി, ഗ്രീന് പാര്ട്ടി എന്നിവയുടെ സഖ്യത്തിനു ബുധനാഴ്ച തത്വത്തില് ധാരണയായി. ത്രികക്ഷി സര്ക്കാര് നിലവില്വന്നാല് ഡിസംബര് ആദ്യം അന്നലീന മന്ത്രിയാകും. 40കാരിയായ അന്നലീന രണ്ട് കുട്ടികളുടെ അമ്മ കൂടിയാണ്.