ലക്നോ: ദക്ഷിണാഫ്രിക്കയില് കണ്ടെത്തിയ ഒമിക്രോണ് വകഭേദം മൂലമുള്ള ഭീതി വര്ധിക്കുന്നതിനിടെ ഇന്ത്യയില് എത്തിയ ഒരു വിദേശിക്ക് കൂടി കോവിഡ് പോസിറ്റിവ് സ്ഥിരീകരിച്ചു. ഉത്തര്പ്രദേശിലെ വൃന്ദാവന് സന്ദര്ശിക്കാനെത്തിയ ഓസ്ട്രിയയില് നിന്നുള്ള 41 കാരിക്കാണ് കോവിഡ് പോസിറ്റീവായത്.
ഇതോടെ മഥുരയില് കോവിഡ് ബാധിച്ച് ചികിത്സയില് കഴിയുന്ന വിദേശികളുടെ എണ്ണം നാലായിട്ടുണ്ട് . കഴിഞ്ഞയാഴ്ച സ്പെയിന്, സ്വിറ്റ്സര്ലന്ഡ് എന്നിവിടങ്ങളില്നിന്നുള്ള മൂന്നു പേര്ക്ക് കോവിഡ് സ്ഥിരീകരിച്ചിരുന്നു. ഇവരെല്ലാവരും വൃന്ദാവന് സന്ദര്ശിക്കാനായി യുപിയില് എത്തിയവരാണ്.
അതെ സമയം രോഗം സ്ഥിരീകരിച്ച എല്ലാവരും നിരീക്ഷണത്തിലാണ്. വൃന്ദാവനിലെ ശീതള് ഛായയിലെ ഗിരിധര് ആശ്രമത്തില് ഇവരെ താമസിപ്പിച്ചിരുന്നതിനാല് പ്രദേശം കണ്ടെയിന്മെന്റ് സോണായി പ്രഖ്യാപിച്ചതായും അധികൃതര് അറിയിച്ചു.