കൊച്ചി: മുതിര്ന്ന കോണ്ഗ്രസ് നേതാവ് പി.ടി. തോമസ് എംഎല്എയ്ക്ക് അന്ത്യോപചാരം അര്പ്പിക്കാന് മുഖ്യമന്ത്രി പിണറായി വിജയന് കൊച്ചി തൃക്കാക്കര കമ്മ്യൂണിറ്റി ഹാളിലെത്തും. തിരുവനന്തപുരത്തുള്ള രാഷ്ട്രപതിയെ യാത്രയയച്ച ശേഷമാണ് മുഖ്യമന്ത്രി കൊച്ചിക്ക് പുറപ്പെടും. വൈകുന്നേരം അഞ്ച് മണിയോടെ മുഖ്യമന്ത്രി അന്ത്യോപചാരം അര്പ്പിക്കുമെന്നാണ് വിവരം. തുടര്ന്ന് സംസ്കാരം ഇന്ന് വൈകുന്നേരം 5.30ന് ഔദ്യോഗിക ബഹുമതികളോടെ രവിപുരം പൊതുശ്മശാനത്തില് നടക്കും.
വെല്ലൂരിലെ ആശുപത്രിയില് ചികിത്സയിലിരിക്കെ ഇന്നലെയാണ് പിടി തോമസ് മരണത്തിന് കീഴടങ്ങിയത്. തുടര്ന്ന് കേരളത്തിലേക്ക് കൊണ്ടുവന്ന മൃതദേഹം വ്യാഴാഴ്ച പുലര്ച്ചെ 2.15നാണ് ഇടുക്കി ഉപ്പുതോടിലെ വീട്ടിലെത്തിച്ചത്. സംസ്ഥാന അതിര്ത്തിയില് ജില്ല കളക്ടറും ഡീന് കുര്യാക്കോസ് എം.പിയും ചേര്ന്ന് മൃതദേഹം ഏറ്റുവാങ്ങി.