മുംബൈയില് കോവിഡ് കേസുകള് കുതിച്ചുകയറുന്നു. ഇന്ന് മാത്രം 2,510 പുതിയ കേസുകള് റിപ്പോര്ട്ട് ചെയ്തു. ഇന്നലെത്തെക്കാള് 82 ശതമാനം വര്ധനവാണ് ഉണ്ടായിരിക്കുന്നത്.കോവിഡ് വ്യാപനത്തിന്റെ പശ്ചാത്തലത്തില് മന്ത്രി ആദിത്യ താക്കറെ തദ്ദേശ സ്ഥാപനങ്ങളുടെ യോഗം വിളിച്ചു.
ആശുപത്രി സൗകര്യങ്ങള് വര്ധിപ്പിക്കാനും മരുന്നുകളും ഓക്സിജനും സജ്ജമാക്കാനും ബോംബെ മുനിസിപ്പല് കോര്പറേഷന് തീരുമാനിച്ചു. മുംബൈ നഗരത്തില് പുതുവര്ഷാ ഘോഷങ്ങള്ക്ക് വിലക്കേര്പ്പെടുത്തി. 31 ന് നഗരത്തിലെ എല്ലാ പൊതു സ്ഥലങ്ങളും അടച്ചിടും. പുതുവത്സര ആഘോഷങ്ങളില് മാര്ഗനിര്ദ്ദേശങ്ങള് ലംഘിക്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കുമെന്നും മന്ത്രി താക്കറെ പറഞ്ഞു.