മനുഷ്യകുഞ്ഞിന്റെ സാദൃശ്യത്തില്‍ ആട്ടിന്‍കുട്ടി

കാച്ചര്‍ (അസം) : മനുഷ്യക്കുഞ്ഞിന്റെ സാദൃശ്യമുള്ള ആട്ടിന്‍കുഞ്ഞ് പിറന്നു സംഭവം കണ്ട് ഞെട്ടിയിരിക്കുകയാണ് ഒരു ഗ്രാമത്തിലെ ആളുകള്‍.
അസമിലെ കാച്ചര്‍ ജില്ലയിലാണ് ഇത്തരത്തിലൊരു വിചിത്ര സംഭവം നടന്നത്. മനുഷ്യകുഞ്ഞിന്റെ മുഖത്തോട് സമാനമായ മുഖവും രണ്ട് കാലുകളുമായാണ് ഈ ആട്ടിന്‍കുട്ടി ജനിച്ചത്. എന്നാല്‍ മരിച്ച നിലയിലാണ് കുഞ്ഞ് പിറന്നത്.
ഈ ഗ്രാമത്തിലുള്ള ആളുകള്‍ ഇപ്പോള്‍ ഇതിന്റെ പിന്നിലെ കാരണം എന്താണെന്ന് അന്വേഷിക്കുകയാണ്. കണ്ണുകളും, മൂക്കും, വായും മനുഷ്യ കുഞ്ഞിന്റേതിന് സമാനമാണ്. എന്നാല്‍ ചെവി ആടിന്റേത് പോലെ തന്നെയാണ്. രണ്ട് കാലുകളുമാണ് ഈ കുഞ്ഞിനുള്ളത്. വിചിത്ര സംഭവത്തേക്കുറിച്ച്‌ വാര്‍ത്ത പരന്നതിന് പിന്നാലെ നിരവധിപ്പേരാണ് ഈ വിചിത്ര ആട്ടിന്‍ കുഞ്ഞിനെ കാണാനെത്തുന്നത്. ഇതിന് മുന്‍പും മനുഷ്യ മുഖമുള്ള വിവിധ ജീവികളുടെ കുഞ്ഞുങ്ങള്‍ വാര്‍ത്തകളില്‍ നിറഞ്ഞിട്ടുണ്ടെങ്കിലും ഗംഗാപൂരില്‍ ഇത്തരമൊരു സംഭവം ആദ്യമാണ്.
ഈ വര്‍ഷമാദ്യം ഇന്തോനേഷ്യയില്‍ ഒരു മത്സ്യ ബന്ധനത്തൊഴിലാളി മനുഷ്യ മുഖമുള്ള സ്രാവിനെ പിടികൂടിയതായി അവകാശപ്പെട്ടിരുന്നു. ഫെബ്രുവരി 21 ന് അബ്ദുള്ള നുരേന്‍ എന്നയാളാണ് അവകാശവാദവുമായി എത്തിയത്. പിടികൂടിയ സ്രാവ് ഗര്‍ഭിണിയായിരുന്നുവെന്നും അതിന്റെ വയറിലാണ് മനുഷ്യമുഖത്തോട് സമാനതയുള്ള സ്രാവ് കുഞ്ഞുങ്ങളെ കണ്ടെത്തിയതെന്നുമാണ് ഇയാള്‍ അവകാശപ്പെട്ടത്. എന്തായാലും സംഭവം ഇതിനോടകം ചര്‍ച്ചയായിക്കഴിഞ്ഞു.