ജോസ് മാത്യു പനച്ചിക്കൻ (62 ) നിര്യാതനായി

കൂത്താട്ടുകുളം : കൂത്താട്ടുകുളത്തെ നിറ സാന്നിധ്യവും ലോക കേരള സഭ അംഗവും പ്രവാസി മലയാളി സംഘടനാ ഭാരവാഹിയുമായ ജോസ് മാത്യു പനച്ചിക്കൻ (62) രാത്രി പൂവക്കുളത്തെ വസതിയിൽ ഹൃദയാഘാതത്തെ തുടർന്ന് അന്തരിച്ചു.

വീട്ടില്‍ അവശ നിലയില്‍ കണ്ടെത്തിയ ജോസ് മാത്യുവിനെ വീട്ടു ജോലിക്കാർ ഉടന്‍ കൂത്താട്ടുകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.

കൂത്താട്ടുകുളം പൂവക്കുളം പനച്ചിക്കല്‍ ജോസ് മാത്യു പനച്ചിക്കന്‍ മികച്ച സഘാടകൻ ആയിരുന്നു .ലോക കേരള സഭാംഗമായിരുന്നു. പതിറ്റാണ്ടുകളായി ഓസ്ട്രിയയില്‍ താമസമാക്കിയ ജോസ് മാത്യു പ്രവാസി സംഘടനാ പ്രവര്‍ത്തന രംഗത്ത് സജീവമായിരുന്നു.

ഏതാനും മാസങ്ങളായി നാട്ടില്‍ കഴിയുകയായിരുന്നു ജോസ് മാത്യു . അടുത്ത ദിവസങ്ങളിൽ ഓസ്ട്രിയയിലേയ്ക്ക് മടങ്ങാനിരിക്കെയാണ് മരണം. 2 മക്കളുണ്ട് . ഇരുവരും ഓസ്ട്രിയയിലാണ്. മൃതശരീരം ദേവമാതാ ഹോസ്പിറ്റൽ മോർച്ചറിയിൽ. സംസ്കാരം പിന്നീട് .