സൗദി പൗരന് വൈറലായി
ജിദ്ദ: ഡാറ്റ്സണ് പിക്കപ്പ് ഓടിച്ചു ഡാക്കര് റാലി മത്സരാര്ഥികളിലൊരാളെ മറികടന്ന സ്വദേശി പൗരന് മിശ്അല് അല്ശലവി സാമൂഹിക മാധ്യമങ്ങളില് ജനപ്രിയ ‘താര’ മായി.ത്വാഇഫിലെ മിസാന് ഗവര്ണറേറ്റിലെ മര്കസ് അബൂറാകയിലെ മര്റ ഗ്രാമത്തിന് സമീപത്തെ മരുഭൂമിയിലൂടെ ഡാക്കര് റാലി വാഹനം കടന്നുപോയപ്പോഴാണ് മിശ്അല് അല്ശലവി തന്റെ പിക്കപ്പ് വാനുമായി ഡാക്കര് മത്സരാര്ഥികളിലൊരാളെ മറികടന്ന് വെല്ലുന്ന പ്രകടനം കാഴ്ച വെച്ചത്.റൈഡറുടെ വാഹനത്തെ അനുഗമിക്കുന്ന ദൃശ്യം റാലിയെ അനുഗമിക്കുന്ന ഹെലികോപ്റ്ററിലെ ഫോട്ടോഗ്രാഫറാണ് പകര്ത്തിയത്. ശേഷം എല്ലാ സാമൂഹിക മാധ്യമങ്ങളിലും വീഡിയോ പ്രചരിച്ചതോടെ മിശ്അല് ജനപ്രിയനാകുകയായിരുന്നു. ബെല്ജിയന് ഡ്രൈവര് പാസ്കല് ഫെറിനോ ഓടിച്ച വാഹനമാണ് വീടിനടുത്ത മരുഭൂമിയിലൂടെ കടന്നുപോയപ്പോള് സമാന്തര പാതയിലൂടെ കുറച്ച് ദൂരം മിശ്അല് തന്റെ പിക്കപ്പ് ഓടിച്ച് മറികടക്കാന് തുനിഞ്ഞത്.