![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ: മുംബൈയില്‍ നാവികസേനാ യുദ്ധക്കപ്പലായ ഐഎന്‍എസ് രണ്‍വീറിലുണ്ടായ പൊട്ടിത്തെറിയില്‍ മരിച്ച നാവികരുടെ പേരുകള്‍ നാവികസേന പുറത്തുവിട്ടു. നാവികസേന മേധാവി അഡ്മിറര്‍ ആര്‍. ഹരി കുമാറിന്റെ അനുശോചന സന്ദേശത്തോടൊപ്പമാണ് നാവികരുടെ പേരും ചിത്രങ്ങളും ട്വീറ്റ് ചെയ്തത്.
കൃഷ്ണകുമാര്‍, സുരീന്ദര്‍ കുമാര്‍, എ.കെ. സിങ് എന്നിവരാണ് മരിച്ചത്. മരിച്ച നാവികരുടെ കുടുംബങ്ങളുടെ ദുഃഖത്തില്‍ സേനയിലെ മുഴുവന്‍ ഉദ്യോഗസ്ഥരും പങ്കുചേരുന്നതായും അനുശോചന സന്ദേശത്തില്‍ പറയുന്നു.
ചൊവ്വാഴ്ച വൈകീട്ടാണ് മുംബൈ നാവിക ഡോക്യാര്‍ഡില്‍ നിര്‍ത്തിയിട്ട ഐ.എന്‍.എസ് രണ്‍വീറിലുണ്ടായ പൊട്ടിത്തെറിയില്‍ മൂന്ന് നാവികര്‍ മരിച്ചത്. അപകടത്തില്‍ 11 നാവികര്‍ക്ക് പരിക്കേറ്റിട്ടുണ്ട്. പരിക്കേറ്റവര്‍ ആശുപത്രിയില്‍ ചികിത്സയിലാണ്.
