ക്രിക്കറ്റ് ലോകം കാത്തിരുന്ന ഇന്ത്യ-പാക്കിസ്ഥാന് ലോകകപ്പ് പോരാട്ടം ഇന്ന് നടക്കും. അഹമ്മദാബാദിലെ നരേന്ദ്ര മോദി സ്റ്റേഡിയത്തില് 2 മണിക്കാണ് മത്സരം നടക്കുക. പനി ബാധിച്ച് ചികിത്സയിലായിരുന്ന ഇന്ത്യന് താരം ശുഭ്മാൻ ഗില് ആദ്യഇലവനില് ഉണ്ടാകുമെന്ന സൂചനയാണ് ക്യാപ്റ്റൻ രോഹിത് ശര്മ പങ്കുവെച്ചത്. ഓസ്ട്രേലിയയെയും അഫ്ഗാനിസ്താനെയും അനായാസം മറികടന്നാണ് ഇന്ത്യ മൂന്നാം മത്സരത്തിനിറങ്ങുന്നത്. നെതര്ലൻഡ്സിനോട് വിറച്ചെങ്കിലും ലങ്കയ്ക്ക് മുന്നില് ബാറ്റിംഗ് കരുത്ത് കാട്ടിയ പാക്കിസ്ഥാനും മൂന്നാം ജയം ലക്ഷ്യമിട്ടാണ് ഇറങ്ങുന്നത്.
സിനിമാ-കായിക രംഗത്തെ പ്രമുഖര് മത്സരം കാണാനെത്തുമെന്നാണ് റിപ്പോര്ട്ട്. അമിതാഭ് ബച്ചന്, രജനികാന്ത്, സച്ചിന് ടെന്ഡുല്ക്കര് എന്നിവര് മത്സരം കാണാന് വിഐപി പവലിനിയനിലുണ്ടാകുമെന്നാണ് സൂചന. ഗായകന് ശങ്കര് മഹാദേവന് അവതരിപ്പിക്കുന്ന സംഗീത പരിപാടിയും ഇന്ത്യ-പാക് മത്സരത്തിന് മുന്നോടിയായി നടക്കും.