സൗജന്യനിരക്കില് വിദ്യാര്ത്ഥികള്ക്ക് യഥേഷ്ടം യാത്രചെയ്യാന് അവസരമൊരുക്കുന്ന കൊച്ചി മെട്രൊയുടെ സ്റ്റുഡന്റ് പാസിന് വിദ്യാഭ്യാസ സ്ഥാപനങ്ങള് പൂര്ണതോതില് തുറന്നതോടെ പ്രിയമേറുന്നു. ഏതുസ്റ്റേഷനില് നിന്ന് ഏതുസ്റ്റേഷനിലേക്കും യഥേഷ്ടം സഞ്ചരിക്കാവുന്നതു മുതല് മുന്കൂട്ടി നിശ്ചയിച്ച സ്റ്റേഷനുകളിലേക്ക് മാത്രമായി യാത്ര നിശ്ചയിക്കാവുന്നതു വരെയുള്ള പാസുകള് ലഭ്യമാണ്.
ടിക്കറ്റ് നിരക്കില് 60 മുതല് 83 ശതമാനം വരെ ഡിസ്കൗണ്ട് അനുവദിക്കുന്ന മൂന്നു പാക്കേജുകളാണ് വിദ്യാര്ത്ഥികള്ക്കായി അവതരിപ്പിച്ചിരിക്കുന്നത്. കൊച്ചി വണ് കാര്ഡിലെ സ്റ്റുഡന്റ് പ്രതിമാസ പാസില് ടിക്കറ്റ് നിരക്കിന്റെ 60 ശതമാനം വരെ ഡിസ്കൗണ്ട് ലഭിക്കും. 30 ദിവസമാണ് കാലാവധി.