LatestThiruvananthapuram
മെഡിക്കല് കോളേജില് അത്യാഹിത വിഭാഗത്തില് പുതിയ സംവിധാനം
തിരുവനന്തപുരം മെഡിക്കല് കോളേജില് അത്യാഹിത വിഭാഗത്തിലെത്തുന്നവര്ക്ക് അടിയന്തര വിദഗ്ധ ചികിത്സ ഉറപ്പാക്കാന് പുതിയ സംവിധാനം വരുന്നു. അത്യാഹിത വിഭാഗത്തില് 24 മണിക്കൂറും സീനിയര് ഡോക്ടര്മാരുടെ സേവനം ഉറപ്പ് വരുത്തി.
ഇതുകൂടാതെ മെഡിക്കല് കോളേജില് ചെസ്റ്റ് പെയിന് ക്ലിനിക് ആരംഭിക്കും. ആവശ്യമായവര്ക്ക് ഐ.സി.യു, ആന്ജിയോഗ്രാം, ആന്ജിയോപ്ലാസ്റ്റി ചികിത്സകള് നല്കും. അതീവ ഗുരുതരാവസ്ഥയില് എത്തുന്ന രോഗികള്ക്ക് ചികിത്സ വൈകാതിരിക്കാന് ചുവപ്പ് ടാഗ് നല്കും. ഇവര്ക്ക് ക്യൂ ഇല്ലാതെ ആദ്യ പരിഗണന നല്കും. ശസ്ത്രക്രിയ വേണ്ടവര്ക്ക് അടിയന്തരമായി ശസ്ത്രക്രിയയും നടത്തും.