![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ആംനസ്റ്റി ഇന്‍റര്‍നാഷനല്‍ മുന്‍ മേധാവി ആകാര്‍ പട്ടേല്‍ അനുമതിയില്ലാതെ രാജ്യം വിട്ടുപോകരുതെന്ന് പ്രത്യേക സി.ബി.ഐ കോടതി ഉത്തരവിട്ടു.ആകാര്‍ പട്ടേലിനെതിരെ സി.ബി.ഐ പുറപ്പെടുവിച്ച ലുക്കൗട്ട് നോട്ടീസ് അടിയന്തിരമായി പിന്‍വലിക്കണമെന്നും സി.ബി.ഐ അദ്ദേഹത്തോട് മാപ്പു പറയണമെന്നുമുള്ള ഡല്‍ഹി അഡീഷനല്‍ ചീഫ് മെട്രോപൊളിറ്റന്‍ മജിസ്ട്രേട്ട് കോടതിയുടെ രണ്ട് നിര്‍ദേശങ്ങളും സി.ബി.ഐ കോടതി സ്റ്റേ ചെയ്തു. മറുപടി സത്യവാങ്മുലം നല്‍കാന്‍ സമയം അനുവദിച്ച്‌ കേസ് ഈ മാസം 12ലേക്ക് മാറ്റി.
സി.ബി.ഐക്ക് മറുപടി നല്‍കാന്‍ മതിയായ സമയം അഡീഷനല്‍ ചീഫ് മെട്രോപൊളിറ്റന്‍ മജിസ്ട്രേട്ട് കോടതി നല്‍കിയില്ലെന്ന് പറഞ്ഞാണ് പ്രത്യേക സി.ബി.ഐ കോടതിയുടെ നടപടി.
