![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: 2022 മാര്‍ച്ച്‌ 31 ന് അവസാനിച്ച നാലാം പാദത്തില്‍ ഷൂ നിര്‍മാതാക്കളായ ബാറ്റ ഇന്ത്യയുടെ കണ്‍സോളിഡേറ്റഡ് അറ്റാദായം രണ്ട് മടങ്ങ് വര്‍ധിച്ച്‌ 62.96 കോടി രൂപയായി. കഴിഞ്ഞ സാമ്ബത്തിക വര്‍ഷം ജനുവരി-മാര്‍ച്ച്‌ പാദത്തില്‍ കമ്ബനി 29.47 കോടി രൂപയായിരുന്നു കമ്ബനിയുടെ അറ്റാദായമെന്ന് ബാറ്റ ഇന്ത്യ റെഗുലേറ്ററി ഫയലിംഗില്‍ അറിയിച്ചു. പ്രവര്‍ത്തനങ്ങളില്‍ നിന്നുള്ള വരുമാനം 2020-21ലെ ഇതേ പാദത്തിലെ 589.90 കോടിയില്‍ നിന്ന് അവലോകന പാദത്തില്‍ 12.77 ശതമാനം വര്‍ധിച്ച്‌ 665.24 കോടി രൂപയായി.
ബാറ്റ ഇന്ത്യയുടെ മൊത്തം ചെലവ് 2021-22 സാമ്ബത്തിക വര്‍ഷത്തിലെ 6.29 ശതമാനം ഉയര്‍ന്ന് 599.39 കോടി രൂപയായിരുന്നു, മുന്‍ സാമ്ബത്തിക വര്‍ഷത്തെ ജനുവരി-മാര്‍ച്ച്‌ പാദത്തില്‍ ഇത് 563.90 കോടി രൂപയായിരുന്നു. 2022 മാര്‍ച്ചില്‍ അവസാനിച്ച സാമ്ബത്തിക വര്‍ഷത്തില്‍, ബാറ്റ ഇന്ത്യയുടെ കണ്‍സോളിഡേറ്റഡ് അറ്റാദായം 102.99 കോടി രൂപയായിരുന്നു. 2020-21 സാമ്ബത്തിക വര്‍ഷത്തില്‍ 89.31 കോടി രൂപയുടെ അറ്റനഷ്ടം റിപ്പോര്‍ട്ട് ചെയ്തിട്ടുണ്ട്.
പ്രവര്‍ത്തനങ്ങളില്‍ നിന്നുള്ള വരുമാനം 2021-22ല്‍ 2,387.71 കോടി രൂപയായിരുന്നു. മുന്‍വര്‍ഷത്തെ അപേക്ഷിച്ച്‌ 1,708.48 കോടി രൂപയേക്കാള്‍ 39.75 ശതമാനം കൂടുതലാണിത്. അഞ്ച് രൂപ മുഖവിലയുള്ള ഓഹരിയ്ക്ക് 54.5 രൂപ ലാഭവിഹിതം നല്‍കാന്‍ ബുധനാഴ്ച ചേര്‍ന്ന കമ്ബനിയുടെ ബോര്‍ഡ് യോഗത്തില്‍ തീരുമാനിച്ചു.
