രാജ്യത്ത് ജിഎസ്ടി നികുതി സ്ലാബിലെ പുനക്രമീകരണം ഉടന് നടപ്പിലാക്കില്ല. മൂന്ന് സ്ലാബുകളാക്കി പുനക്രമീകരിക്കാനായിരുന്നു തീരുമാനമെങ്കിലും രാജ്യത്ത് നിലനില്ക്കുന്ന പണപ്പെരുപ്പം വെല്ലുവിളി ഉയര്ത്തിയേക്കുമെന്നാണ് വിലയിരുത്തല്.
കൂടുതല് വരുമാനം ലക്ഷ്യമിട്ടുകൊണ്ടാണ് ജിഎസ്ടി സ്ലാബില് മാറ്റങ്ങള് വരുത്താന് ഒരുങ്ങിയത്. നിലവില് 5 ശതമാനം, 12 ശതമാനം, 18 ശതമാനം, 28 ശതമാനം എന്നിങ്ങനെയാണ് നികുതി സ്ലാബുകള് ഉള്ളത്. ഇവ മൂന്ന് സ്ലാബുകള് പുനക്രമീകരിക്കാനാണു പദ്ധതി. ചില തുണിത്തരങ്ങളുടെ ജിഎസ്ടി 12 ശതമാനമായി ഉയര്ത്താന് തീരുമാനിച്ചിരുന്നു. എന്നാല്, പ്രതിഷേധം ശക്തമായ സാഹചര്യത്തില് കഴിഞ്ഞ ഡിസംബറില് തന്നെ കൗണ്സില് തീരുമാനം പിന്വലിച്ചിരുന്നു.