പ്ളസ്‌ടുക്കാരി എയ്ഞ്ചല്‍ മേരിയെ മാതൃകയാക്കാം, വാര്‍ഷി​ക വരുമാനം രണ്ട് ലക്ഷം രൂപ

കൊല്ലം: കേട്ടറി​ഞ്ഞ് ഇഷ്ടം തോന്നി​യ ബയോ ഫ്ളോക്ക് മത്സ്യക്കൃഷി ശാസ്ത്രീയമായി​ പഠി​ച്ച്‌ വീട്ടുവളപ്പി​ല്‍ പ്രാവര്‍ത്തി​കമാക്കി​യ പ്ളസ്ടു വി​ദ്യാര്‍ത്ഥി​നി​ എയ്ഞ്ചല്‍ മേരി​യുടെ വാര്‍ഷി​ക വരുമാനം രണ്ടു ലക്ഷം രൂപ.പത്തനാപുരം കുന്നിക്കോട് മഞ്ഞക്കാലാ താഴേതില്‍ ജയിംസി​ന്റെയും മീനയുടെയും മകളാണ് കലയപുരം മാര്‍ ഇവാനിയോസ് സ്കൂള്‍ വി​ദ്യാര്‍ത്ഥി​നി​യായ എയ്ഞ്ചല്‍ മേരി​.
മാതാപിതാക്കളും കൃഷി​ നടത്തുന്നതി​നാല്‍ ചെറുപ്പം മുതല്‍ എയ്ഞ്ചലി​ന് കൃഷി​യോട് ഇഷ്ടം തോന്നിയി​രുന്നു.
പത്താം ക്ളാസില്‍ പഠിക്കുമ്ബോഴാണ് ബയോ ഫ്ളോക്ക് മത്സ്യക്കൃഷിയെപ്പറ്റി കേട്ടത്. തൃശൂരിലെ മത്സ്യക്കൃഷി​ പരി​ശീലന കേന്ദ്രത്തി​ല്‍ നി​ന്ന് ശാസ്ത്രീമായി​ പഠി​ക്കുകയും ചെയ്തു.തുടര്‍ന്ന് മൂന്നു ലക്ഷത്തോളം രൂപ ചെലവി​ട്ട് 30,000 ലിറ്റര്‍ വെളളം കൊള്ളുന്ന ബയോഫ്ളോക്ക് നിര്‍മ്മിച്ചു. ആദ്യ ഘട്ടം ഗിഫ്ട് തിലോപ്പിയ ഇനത്തില്‍പ്പെട്ട ചിത്രലാടയുടെ 4500 കുഞ്ഞുങ്ങളെ നിക്ഷേപിച്ചു. ആറു മാസം കഴിഞ്ഞപ്പോള്‍ ഒന്നും നഷ്ടപ്പെടാതെ വിളവ് കിട്ടി. സാധാരണഗതി​യി​ല്‍ കുറച്ചു മീന്‍ നഷ്ടമാവുന്നതാണ് പതിവ്. ജലം കൃത്യമായി​ കൈകാര്യം ചെയ്തതി​നാലാണ് കുഞ്ഞുങ്ങള്‍ നഷ്ടമാവാതി​രുന്നത്. രണ്ടു വര്‍ഷം മുമ്ബാണ് എയ്ഞ്ചല്‍ കൃഷി​ ആരംഭി​ച്ചത്.
മൂന്നു നേരം തീറ്റ നല്‍കല്‍, വെള്ളം പരിശോധന, മാലിന്യനീക്കം തുടങ്ങിയവയ്ക്കായി ദിവസം രണ്ട് മണിക്കൂര്‍ സമയം വിനിയോഗിക്കും. പഠനത്തെ കൃഷി ബാധിച്ചില്ല. തുടര്‍ പഠനത്തോടൊപ്പം മത്സ്യക്കൃഷിയും തുടരും.