മുംബൈ: മന്ത്രി ഏകനാഥ് ഷിന്ഡെയുടെ നേതൃത്വത്തില് 20 ശിവസേന എംഎല്എമാര് ഗുജറാത്തിലേക്ക് കടന്നതോടെ മഹാരാഷ്ട്രയിലെ കൂട്ടുകക്ഷി സര്ക്കാര് പ്രതിസന്ധിയിലായി.ഷിന്ഡെ ഗുജറാത്തിലേക്ക് മാറിയതിന് പിന്നാലെ ശിവസേന അദ്ദേഹത്തെ ചീഫ് വിപ്പ് സ്ഥാനത്ത് നിന്ന് മാറ്റി. സേവ്രിയില് നിന്നുള്ള എംഎല്എ ആയ അജയ് ചൗധരി ആണ് പുതിയ ചീഫ് വിപ്പ് .
ഇന്നലെ മഹാരാഷ്ട്ര നിയമസഭാ കൗണ്സിലിലെ 10 സീറ്റുകളിലേക്ക് നടന്ന തിരഞ്ഞെടുപ്പിനു പിന്നാലെയാണ് മന്ത്രി ഷിന്ഡെയെയും എംഎല്എമാരെയും കാണാതായത്. ശിവസേനയുടെ മുഖമായ ഏക്നാഥ് ഷിന്ഡെ. പൊതുമരാമത്ത്, നഗരവികസന മന്ത്രിയാണ്. പാര്ട്ടിയിലും മന്ത്രിസഭയിലും വേണ്ടത്ര പ്രാധാന്യം ലഭിക്കുന്നില്ലെന്ന് ഏറെക്കാലമായി ഷിന്ഡെയ്ക്ക് പരാതി ഉന്നയിച്ചിരുന്നു.അഭ്യൂഹങ്ങള് ഉയരുന്നതിനിടെ താന് ശിവസൈനികനായി തുടരുമെന്ന് ഷിന്ഡെ ട്വിറ്ററിലൂടെ പ്രതികരിച്ചിട്ടുണ്ട്.