![“Manju”](https://santhigirinews.org/wp-content/uploads/2020/04/YOUTUBE.jpg")
ഡല്‍ഹി: കോണ്‍ഗ്രസ് അധ്യക്ഷ സോണിയ ഗാന്ധി രാഷ്ട്രപതി ദ്രൗപദി മുര്‍മുവുമായി കൂടിക്കാഴ്ച നടത്തി. പാര്‍ട്ടിയിലെ ആഭ്യന്തര ഭിന്നതകള്‍ക്കിടയിലാണ് സോണിയ ദ്രൗപദി മുര്‍മുവുമായി കൂടിക്കാഴ്ച നടത്തിയത്. ഡല്‍ഹിയിലെ രാഷ്ട്രപതി ഭവനിലാണ് യോഗം ചേര്‍ന്നത്. യോഗത്തില്‍ ഇരുവരും വിവിധ വിഷയങ്ങള്‍ ചര്‍ച്ച ചെയ്തു. ഇ.ഡിയുടെ ചോദ്യം ചെയ്യലിനെ തുടര്‍ന്ന് സോണിയാ ഗാന്ധിക്ക് രാഷ്ട്രപതിയെ കാണാന്‍ കഴിഞ്ഞില്ല. കോണ്‍ഗ്രസ് അധ്യക്ഷ സ്ഥാനത്ത് തുടരില്ലെന്ന് സോണിയാ ഗാന്ധി നേരത്തെ വ്യക്തമാക്കിയിരുന്നു. നെഹ്റു കുടുംബാംഗമല്ലാത്ത ഒരാള്‍ കോണ്‍ഗ്രസ് അധ്യക്ഷനാകണമെന്നും അവര്‍ പറഞ്ഞു. സോണിയാ ഗാന്ധി തന്‍റെ നിലപാട് മുതിര്‍ന്ന കോണ്‍ഗ്രസ് നേതാക്കളെ അറിയിച്ചു.
