തൃശൂര്: ഓണസമ്മാനമായി സ്ഥിരനിക്ഷേപങ്ങള്ക്ക് പലിശ നിരക്കുകള് വര്ധിപ്പിച്ച് കെഎസ്എഫ്ഇ. മുതിര്ന്ന പൗരന്മാര്ക്ക് ഇപ്പോള് ഒരു വര്ഷത്തേക്ക് ഏഴു ശതമാനം പലിശ ലഭിക്കും.
മറ്റു ധനകാര്യ സ്ഥാപനങ്ങളില്നിന്ന് വിഭിന്നമായി 56 വയസു കഴിഞ്ഞവരെ മുതിര്ന്ന പൗരന്മാരായി കണക്കാക്കും. സാധാരണ സ്ഥിരനിക്ഷേപ പലിശ പ്രതിവര്ഷം 6.5 ശതമാനമാണ്.
ചിട്ടി വിളിച്ചെടുക്കുന്ന തുക കന്പനിയില് നിക്ഷേപിക്കുന്നതിന് നല്കുന്ന പലിശനിരക്കും ഉയര്ത്തി.
ചിട്ടിത്തുകയില്നിന്ന് ഭാവി ബാധ്യതയ്ക്കുള്ള തുക കന്പനിയില് നിക്ഷേപിക്കുന്നതിന് പ്രതിവര്ഷം 7.5 ശതമാനവും, ചിട്ടിത്തുക പൂര്ണമായി നിക്ഷേപിച്ചാല് ഏഴു ശതമാനവും പലിശ ലഭിക്കുമെന്ന് അധികൃതര് അറിയിച്ചു.