![“Manju”](https://santhigirinews.org/wp-content/uploads/2020/04/YOUTUBE.jpg")
കോലഞ്ചേരി :ഒറ്റ രാത്രികൊണ്ടാണ് ഊത്തിക്കരയിലെ അനിഘയും ആര്യനും അനീഷയും അനാഥരായത്. അമ്മയെ കഴുത്തറുത്ത് കൊന്ന ശേഷം അച്ഛന്‍ ജീവനൊടുക്കിയെന്ന് വിശ്വസിക്കാന്‍ ഇപ്പോഴും അവര്‍ക്കായിട്ടില്ല.സ്വന്തമെന്ന് പറയാന്‍ നിര്ധനരായ മുത്തച്ഛനും മുത്തശ്ശിയും മാത്രം. എന്നാല്‍, പറക്കമുറ്റും മുമ്പെ വഴിമുട്ടിയ ആ മക്കള്‍ക്ക് താങ്ങായി ഇനി സര്‍ക്കാരുണ്ട്. പ്രതിമാസം 6000 രൂപ കുട്ടികളുടെ വിദ്യാഭ്യാസത്തിന് നല്‍കും . പി വി ശ്രീനിജിന് എം എല്‍ എ യാണ് ഇവരുടെ അവസ്ഥ സര്‍ക്കാരിന്റെ ശ്രദ്ധയില്‍പ്പെടുത്തിയത്. ഇവരുടെ സംരക്ഷണം ഏറ്റെടുക്കാന്‍ വനിതാ ശിശുവികസനവകുപ്പിനോട് മന്ത്രി വീണാ ജോര്‍ജ് നിര്‍ദേശിച്ചു. എന്നാല്‍ കുട്ടികളുടെ അമ്മയുടെ അച്ഛനമ്മമാര്‍ അവരെ ഏറ്റെടുക്കാന്‍ തയ്യാറായി. ഇതെ തുടര്‍ന്നാണ് ധനസഹായം അനുവദിച്ചത്.
