InternationalLatest
പരീക്ഷകള് നവംബര് ആറു മുതല്
ദോഹ: രാജ്യത്തെ സ്വകാര്യ-പൊതു വിദ്യാലയങ്ങളിലെ ഒന്നു മുതല് 12 വരെയുള്ള ക്ലാസുകളിലെ പരീക്ഷ തീയതി പ്രഖ്യാപിച്ച് വിദ്യാഭ്യാസ ഉന്നത വിദ്യഭ്യാസ മന്ത്രാലയം. നവംബര് ആറിന് ആരംഭിച്ച് പരീക്ഷകള് 16ന് അവസാനിക്കും. പരീക്ഷകള് അവസാനിച്ചതിനു പിന്നാലെ അവധിക്കാലവും തുടങ്ങും. ലോകകപ്പ് പരിഗണിച്ച് ടൂര്ണമെന്റ് വേള രാജ്യത്തെ സ്കൂളുകള്ക്ക് അവധിയാണ്. ഡിസംബറിലായിരിക്കും സ്കൂളുകളില് ക്ലാസുകള് പുനരാരംഭിക്കുന്നത്. പരീക്ഷയുടെ വിശദമായ ഷെഡ്യൂളുകള് സ്റ്റുഡന്റ് ഇവാല്വേഷന് ഡിപ്പാര്ട്മെന്റ് സ്കൂളുകള്ക്ക് കൈമാറിയിട്ടുണ്ട്.