ഇന്ത്യക്കാര്‍ക്ക് പാസ്‌പോര്‍ട്ട് ഇല്ലാതെ, വിസയില്ലാതെ പറക്കാവുന്നത് ലോകത്തിലെ 58 ഇടങ്ങള്‍
![“Manju”](https://santhigirinews.org/wp-content/uploads/2020/04/YOUTUBE.jpg")
യാത്രകള്‍ എപ്പോഴും കൗതുകം നിറഞ്ഞതാണ്. യാത്രചെയ്യുമ്പോള്‍ പുറത്തേക്ക് വെറുതെയെങ്കിലും നോക്കിയിരിക്കാത്തവര്‍ ആരാണ്. അവര്‍ പോലുമറിയാതെ അവരിലേക്ക് തൃശ്യങ്ങള്‍ പകര്‍ത്തുകയാണ് യാത്രകള്‍, ചിലര്‍ക്ക് അതൊരു ലഹരിയാണ്. രാജ്യത്തിന് പുറത്തേയ്ക്ക് യാത്രകളാവുമ്പോള്‍ വിദേശികളുടെ സംസ്‌കാരവും, ജീവിത രീതികളും, അവിടുത്തെ ജീവജാലങ്ങളും പ്രകൃതിയുമൊക്കെ അടുത്തറിയാനുമുള്ള അവസരമാണ് ലഭിക്കുക. എന്നാല്‍ യാത്രചെയ്യുമ്പോള്‍ നാം ഏത് രാജ്യക്കാരനാണ് എങ്ങോട്ടുപോകുന്നു എന്നൊക്കെ നമ്മള്‍ പറയുവാന്‍ നമ്മുടെ പാസ്പോര്ട്ടും ഡോക്കുമെന്റ്സുകളും ഒക്കെ കരുതണം. എന്നാല്‍ നാം ഇന്ത്യക്കാര്‍ക്ക് നിരവധി സ്ഥലങ്ങളില്‍ അധികം ഡോക്കുമെന്റുകളില്ലാതെ നമ്മുടെ ആധാറോ ഐഡി കാര്‍ഡോ മാത്രം കാണിച്ച് യാത്രചെയ്യാം. വിശദവിവരം നോക്കാം.
പാസ്പോര്ട്ടും, വിസരേഖകളും ഉണ്ടെങ്കില്‍ മാത്രമേ വിദേശയാത്ര ചെയ്യാനാവു എന്നാണ് ഇപ്പോഴും പലരും ധരിച്ചിരിക്കുന്നത്. എന്നാല്‍ എല്ലാ ഇന്ത്യക്കാര്‍ക്കും പാസ്‌പോര്‍ട്ടൊന്നും കൂടാതെ യാത്ര ചെയ്യാനാവുന്ന രണ്ട് രാജ്യങ്ങളും, വിസ രേഖകളൊന്നുമില്ലാതെ യാത്ര ചെയ്യാവുന്ന 68 ഇടങ്ങളും ഇന്ത്യയ്ക്ക് പുറത്തുണ്ടെന്ന് അറിയാമോ ? ഈ രാജ്യങ്ങളെ കുറിച്ച്‌ വിശദമായി അറിയാം.
ഇന്ത്യയുടെ രണ്ട് അയല്‍ രാജ്യങ്ങളാണ് നേപ്പാളും ഭൂട്ടാനും എന്ന് സ്‌കൂള്‍ കാലം മുതല്‍ക്കേ നമുക്ക് അറിയാവുന്ന കാര്യമാണ്. ഈ രണ്ട് രാജ്യങ്ങളിലും സഞ്ചരിക്കാന്‍ ഇന്ത്യക്കാര്‍ക്ക് പാസ്‌പോര്‍ട്ടിന്റെ ആവശ്യം പോലും ഇല്ല. ഫോട്ടോ പതിച്ച തിരിച്ചറിയല്‍ കാര്‍ഡാണ് നോപ്പാളിലേക്ക് വേണ്ടത്. ആധാര്‍ കാര്‍ഡോ ഐഡി കാര്‍ഡോ കൈയില്‍ സൂക്ഷിച്ചാല്‍ മതി ഭൂട്ടാനിലേക്ക്. 15 നും 65 വയസിനും ഇടയിലുള്ള ആര്‍ക്കും ഈ രാജ്യങ്ങളില്‍ ആധാര്‍ കാര്‍ഡും ഐ.ഡി.കാര്‍ഡും ഉപയോഗിച്ച്‌ യാത്ര ചെയ്യാനാവും. ഇനി കുട്ടികളുമായാണ് പോകുന്നതെങ്കില്‍ അവരുടെ ജനന സര്‍ട്ടിഫിക്കറ്റോ, സ്‌കൂളിന്റെ ഐഡി കാര്‍ഡോ കയ്യില്‍ വച്ചാല്‍ മതി.
നേപ്പാളിലേക്ക് പോകാന്‍ ഇന്ത്യയിലെ പ്രധാന വിമാനത്താവളങ്ങളില്‍ കാഠ്മണ്ഡുവിലേക്ക് വിമാനം ലഭിക്കും. ഇതിനായി വോട്ടര്‍ ഐഡി കാര്‍ഡ് മാത്രം കാണിച്ചാല്‍ മതിയാവും. വിസയും പാസ്പോര്ട്ടും ഇല്ലാതെ ഇന്ത്യയില്‍ നിന്ന് നേപ്പാള്‍ ടൂര്‍ പാക്കേജുകള്‍ എടുക്കാനുമാവും.
ഇനി പാസ്‌പോര്‍ട്ട് കയ്യിലുള്ളവര്‍ക്ക് വിസയില്ലാതെ യാത്ര ചെയ്യാവുന്ന നിരവധി രാജ്യങ്ങള്‍ ഉണ്ട്. ഇത്തരത്തില്‍ ഇന്ത്യയില്‍ നിന്നും യാത്ര ചെയ്യാവുന്ന 58 ട്രാവല്‍ ഡെസ്റ്റിനേഷനുകള്‍ ലോകമെമ്പാടുമുണ്ട്. മാലിദ്വീപ്, മൗറീഷ്യസ്, തായ് ലന്‍ഡ്, മക്കാവോ, ശ്രീലങ്ക, ഭൂട്ടാന്‍, നേപ്പാള്‍, കെനിയ, മ്യാന്‍മര്‍, ഖത്തര്‍, കംബോഡിയ, ഉഗാണ്ട, സീഷെല്‍സ്, സിംബാബ്‌വെ, ഇറാന്‍ എന്നീ ഈ രാജ്യങ്ങള്‍ ഇവയില്‍ ചിലതാണ്.
