![“Manju”](https://santhigirinews.org/wp-content/uploads/2020/04/YOUTUBE.jpg")
ഹൈദരാബാദ്: ആന്ധ്രാപ്രദേശ് മുന്‍ മുഖ്യമന്ത്രിയും തെലുങ്ക് സിനിമയിലെ നിത്യഹരിത നായകനുമായ എന്‍.ടി. രാമറാവുവിന്റെ ചിത്രം ഉള്‍പ്പെടുത്തി 100 രൂപ നാണയം വരുന്നു. എന്‍ടിആറിന്റെ സേവനങ്ങള്‍ക്കുള്ള അംഗീകാരമായാണ് ഈ ബഹുമതി നല്‍കാന്‍ തീരുമാനമായത്.
നാണയത്തിന്റെ ഒരു വശത്ത് തെലുങ്ക് ദേശം പാര്‍ട്ടിയുടെ സ്ഥാപകന്‍ കൂടിയായ എന്‍ടിആറിന്റെ ചിത്രം ഉപയോഗിച്ചുള്ള രൂപകല്‍പ്പനയെക്കുറിച്ച്‌ അദ്ദേഹത്തിന്റെ മകളും മുന്‍ കേന്ദ്രമന്ത്രിയുമായ ദഗ്ഗുബാട്ടി പുരന്തരേശ്വരിയും ഉദ്യോഗസ്ഥരും നടത്തിയ ചര്‍ച്ചയിലാണ് തീരുമാനം. എന്‍ടിആറിന്റെ ജന്‍മദിനത്തോടനുബന്ധിച്ച്‌ നാണയം പുറത്തിറക്കും.
