കോഴിക്കോട് : കേരളത്തിൽ സഞ്ചരിക്കുന്ന പാതയോരങ്ങളിൽ പ്രകൃതിക്കിണങ്ങിയ രീതിയിൽ ആയിരം വൃക്ഷതൈകൾ നട്ടുപിടിപ്പിക്കുക എന്ന മഹത്തരമായ കർമ്മം നിർവ്വഹിച്ചു വരുകയാണ് രണ്ടാം ക്ലാസ്സ് വിദ്യാർത്ഥിനിയായ
ദേവിക ദീപക്.
വേങ്ങേരി ന്യൂ ബസാർ സ്വദേശിനിയായ ദേവിക ദീപക് “മരം ഒരു വരം ” എന്ന സന്ദേശം പകരുന്ന ഈ ദൗത്യത്തിന്റെ 165 മത് വൃക്ഷതൈ ശാന്തിഗിരി ആശ്രമം കക്കോടി ബ്രാഞ്ചിലെ വിശ്വജ്ഞാന മന്ദിരം പൂന്തോട്ടത്തിൽ നട്ടു. തന്റെ 165 മത് വൃക്ഷതൈ നട്ടു.
വിശ്വജ്ഞാന മന്ദിരത്തിൽ വെച്ച് കോഴിക്കോട് ഏരിയ ഹെഡ് സ്വാമി വന്ദനരൂപൻ ജ്ഞാന തപസ്വി , ഇൻചാർജ് സ്വാമി സത്യചിത്ത് ജ്ഞാന തപസ്വി, ആശ്രമം അഡ്വൈസറി ബോർഡ് അഡ്വൈസർ (ഇൻഡസ്ട്രീസ്). കേളൻ ടി.പി. ,രാധാക്യഷ്ണൻ എം, ആശ്രമം ബ്രാഞ്ച് കോർഡിനേഷൻ കമ്മിറ്റി മെമ്പർമാരായ മുരളീചന്ദ്രൻ സി. ബി., പ്രദീപൻ പി., ശശിധരൻ പി. , രവീന്ദ്രൻ എം, അസിസ്റ്റന്റ് മാനേജർ (അഡ്മിനിസ്ട്രേഷൻ) ജുബിൻ ബാബു എന്നിവർ ചേർന്ന് ദേവകയിൽ നിന്ന് വൃക്ഷ തൈ ഏറ്റുവാങ്ങി.
ദേവിക പഠിക്കുന്ന സ്കൂൾ പ്രിൻസിപ്പാൾ Nigel David Mendoza നൽകിയ 16 വൃക്ഷതൈകളോട് കൂടി ഈ പ്രയത്നത്തിന് തുടക്കം കുറിച്ചത്. ദേവിക റോഡിന്റെ വശങ്ങൾ, സർക്കാർ സ്ഥാപനങ്ങൾ, വിദ്യാലയങ്ങൾ, വിവിധ പോലീസ് സ്റ്റേഷനുകൾ എന്നിവിടങ്ങളിലും പാവണ്ടൂർ ഹയർ സെക്കണ്ടറി സ്കൂളിൽ 15 ഓളം വൃക്ഷതൈകളും വച്ചു പിടിപ്പിച്ചിട്ടുണ്ട്.
ഗുൽമോഹർ, കൊന്ന, മഞ്ചാടി, ബദാം, ഉങ്ങ്, ആരിവേപ് , ഫൈക്കസ്, ഇലഞ്ഞി, അശോക മരം, സൂര്യകാന്തി, ബട്ടർ , സപ്പോട്ട, റമ്പൂട്ടാൻ, ആൽ മരം കുങ്കുമം, മാവ്, പുളി, തുടങ്ങി 600 ഓളം വൃക്ഷതൈകൾ തന്റെ വസതിയിൽ ശേഖരിച്ചിട്ടുണ്ട്.
വേങ്ങേരി ന്യൂബസാർ ദേവകി നിവാസൽ ദീപക് കെ.പി, സിൻസി കെ.പി. എന്നിവരുടെ മകളായ ദേവിക മലാപ്പറസ് ലിറ്റിൽ കിംഗ്സ് ആംഗളോ ഇന്ത്യൻ സ്കൂൾ വിദ്യാർത്ഥിനിയാണ്.