ഡെല്ഹി: കടബാധ്യതകള് മൂലം നിര്ത്തവച്ചിരുന്ന ജെറ്റ് എയര്വേസ് രണ്ടു വര്ഷത്തെ ഇടവേളയ്ക്ക് ശേഷം വീണ്ടും പറക്കുന്നു. 2019 ഏപ്രില് മുതല് അടച്ചിട്ടിരുന്ന ജെറ്റ് എയര്വേസ് 2022 ആദ്യ പാദം മുതല് ആഭ്യന്തര വിമാന സെര്വീസുകള് ആരംഭിക്കും.
ജെറ്റ് എയര്വേസ് കാള്റോക്-ജലന് കമ്ബനിയുടെ പുതിയ ഉടമകള് വാര്ത്ത സ്ഥിരീകരിച്ചിട്ടുണ്ട്. ക്യാപ്റ്റന് സുധീര് ഗൗര് ജെറ്റ് എയര്വേസിന്റെ ആക്ടിംഗ് സിഇഒ ആയിരിക്കും. ഡെല്ഹി- മുബൈ സെര്വീസ് ആയിരിക്കും ആദ്യം തുടങ്ങുക.
ഞങ്ങള് ഇതിനകം 150 -ല് അധികം മുഴുവന് സമയ ജീവനക്കാരെ നിയമിച്ചു. 2022 സാമ്ബത്തിക വര്ഷത്തോടെ എല്ലാ വിഭാഗങ്ങളിലുമായി 1000 -ല് അധികം ജീവനക്കാരെ നിയമിക്കാന് തുടങ്ങും. 2022 -ലെ ആദ്യ പാദത്തിലെ ആഭ്യന്തര വിമാനങ്ങള്ക്ക് ശേഷം 2022 -ന്റെ മൂന്നാമത്തെയും നാലാമത്തെയും പാദം മുതല് അന്താരാഷ്ട്ര വിമാന സെര്വീസുകള് ആരംഭിക്കാനും ജെറ്റ് എയര്വേസ് 2.0 ലക്ഷ്യമിടുന്നു. ജെറ്റ് എയര്വേയ്സിന്റെ ആക്ടിംഗ് സിഇഒ ക്യാപ്റ്റന് ഗൗര് പറഞ്ഞു.