ഫാറ്റി ലിവര്‍ ; ചര്‍മ്മത്തില്‍ കാണുന്ന ചില ലക്ഷണങ്ങള്‍

കരള്‍ കോശങ്ങളില്‍ കൊഴുപ്പ് അടിഞ്ഞുകൂടുന്ന രോഗാവസ്ഥയാണ് നോണ്‍–ആല്‍ക്കഹോളിക് ഫാറ്റി ലിവര്‍ ഡിസീസ് (NAFLD) എന്ന് പറയുന്നത്. മൂന്ന് പേരില്‍ ഒരാള്‍ക്ക് ഈ രോഗം ബാധിക്കുന്നതായി റിപ്പോര്‍ട്ടുകള്‍ പറയുന്നു. ആളുകളുടെ ഭക്ഷണരീതികളും ജീവിതരീതികളും ഈ രോഗത്തിനുള്ള സാധ്യത കൂട്ടുന്നു. ഇത് പൊണ്ണത്തടി, പ്രമേഹം, ഡിസ്ലിപിഡീമിയ എന്നിവയിലേക്ക് നയിക്കുന്നു.

നോണ്‍–ആല്‍ക്കഹോളിക് ഫാറ്റി ലിവര്‍ ഡിസീസ് (NAFLD) ബാധിക്കുന്നവരുടെ എണ്ണം വര്‍ദ്ധിച്ചിട്ടുണ്ട്. ഈ അവസ്ഥ ഹൃദ്രോഗം, ടൈപ്പ് 2 പ്രമേഹം, കരള്‍ ക്യാൻസര്‍ എന്നിവയുമായി ബന്ധപ്പെട്ടിരിക്കുന്നതായി ഇല്ലിനോയിസിലെ ചിക്കാഗോയില്‍ നടന്ന എൻഡോക്രൈൻ സൊസൈറ്റിയുടെ വാര്‍ഷിക യോഗമായ ENDO 2023-ല്‍ അവതരിപ്പിച്ചത് പഠനങ്ങളില്‍ പറയുന്നു.

‘ഫാറ്റി ലിവര്‍ രോഗത്തിന് ഇൻസുലിൻ പ്രതിരോധവുമായി അടുത്ത ബന്ധമുണ്ട്. ഇത് ശ്രദ്ധിച്ചില്ലെങ്കില്‍ ചെയ്തില്ലെങ്കില്‍, നാഡീ, വൃക്കസംബന്ധമായ, ഹൃദയ സിസ്റ്റങ്ങളെ ബാധിക്കുന്ന സങ്കീര്‍ണതകളിലേക്ക് നയിച്ചേക്കാം. നാഷ് എന്ന് വിളിക്കപ്പെടുന്ന ഫാറ്റി ലിവര്‍ രോഗം കരള്‍ വീക്കത്തിന് കാരണമാകുകയും സിറോസിസ്, ഹെപ്പാറ്റിക് എന്നിവയിലേക്ക് പുരോഗമിക്കുകയും ചെയ്യും…’  ഇന്റര്‍നാഷണല്‍ എസ്‌ഒ‌എസിലെ മെഡിക്കല്‍ ഡയറക്ടര്‍ ഡോ. വിക്രം വോറ പറയുന്നു.