ചെന്നെെ: നടനും മക്കള് നീതി മയ്യം സ്ഥാപകനുമായ കമല്ഹാസന് തമിഴ്നാട് മുഖ്യമന്ത്രിയാകുമെന്ന് നടന് ശരത് കുമാര്. തമിഴ്നാട്ടിലെ തെരഞ്ഞെടുപ്പ് പ്രചാരണത്തിനിടെ പ്രമുഖ വാര്ത്താ ചാനലിനോട് സംസാരിക്കുകയായിരുന്നു നടനും രാഷ്ട്രീയ നേതാവുമായ ശരത്കുമാര്.
ജയലളിതയുടെയും കരുണാനിധിയുടേയും വിടവ് കമല്ഹാസന് നികത്തുമെന്നും ശരത് കുമാര് പറഞ്ഞു. അതെ സമയം പ്രതിപക്ഷ നേതാക്കളുടെ ആദായ നികുതി റെയ്ഡിനെതിരെ രൂക്ഷവിമര്ശനവുമായി ശരത്കുമാര് രംഗത്തെത്തി. കേന്ദ്ര സര്ക്കാരിനെ വിമര്ശിക്കുന്നവരുടെ വീട്ടിലെല്ലാം റെയ്ഡ് നടക്കുന്ന സ്ഥിതിയാണെന്നും റെയ്ഡ് നടത്തി ഭയപ്പെടുത്താനാണ് ശ്രമമെന്നും ശരത് കുമാര് ആരോപിച്ചു.
കേരളത്തില് പിണറായി വിജയന് തുടര്ഭരണം നേടുമെന്നും ഇടതുപക്ഷം തുടരണമെന്നാണ് ആഗ്രഹമെന്നും അദ്ദേഹം കൂട്ടിച്ചേര്ത്തു .