പുതുവർഷം കളറാക്കി തലസ്ഥാനം

പുതുവര്‍ഷം കളറാക്കി തലസ്ഥാനം. വിവിധ ആഘോഷ പരിപാടികളോടെയാണ് പുതുവർഷം തലസ്ഥാന നഗരി വരവേറ്റത്. യാതൊരു പരാതികളും അക്രമ സംഭവങ്ങളും ഇല്ലാത്തതായി ഇത്തവണത്തെ പുതുവത്സരാഘോഷം മാറി. ഇരു കൈകളും നീട്ടിയാണ് പുത്തന്‍പ്രതീക്ഷകളും സ്വപ്നങ്ങളുമായി എത്തിയ 2024നെ ജനങ്ങൾ സ്വീകരിച്ചത്.

വിദേശികൾക്കും സ്വദേശികൾക്കും കോവളവും ശംഖുമുഖവും വർക്കലയും ഒരുപോലെ ന്യൂ ഇയർ ആശംസകൾ കൈമാറി. മാനവീയത്തിലും, കനകക്കുന്നിലും വലിയ ജനത്തിരക്കാണ് പുതുവർഷ രാവിലുണ്ടായത്. നഗരത്തിൽ വലിയ ജനത്തിരക്കുണ്ടായെങ്കിലും അവ നിയന്ത്രിക്കാനും, ലഹരിയിടപാടുകൾ തടയാനും പൊലീസിന് കഴിഞ്ഞു. പരാതികളും അക്രമ സംഭവങ്ങളും ഇല്ലാത്ത ഒരു പുതുവർഷ രാവ് കൂടിയാണ് കടന്നുപോയത്.