ശ്രീജ.എസ്
തിരുവനന്തപുരം: ഡോളര് കടത്ത് കേസില് സ്പീക്കറിന്റെ അസിസ്റ്റന്റ് പ്രൈവറ്റ് സെക്രട്ടറി ആയ കെ അയ്യപ്പനെ കസ്റ്റംസ് ചോദ്യം ചെയ്യാനിരിക്കെ സ്പീക്കര്ക്കെതിരെ രൂക്ഷവിമര്ശനവുമായി പ്രതിപക്ഷ നേതാവ് രംഗത്ത്. സ്പീക്കര് പി. ശ്രീരാമകൃഷ്ണന് കേരളത്തെ അപമാനിച്ചുവെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
കെ അയ്യപ്പനെ രക്ഷിക്കാന് നിയമത്തിന്റെ പഴുത് ദുരുപയോഗം ചെയ്ത സ്പീക്കര് ധൈര്യമുണ്ടെങ്കില് അന്വേഷണത്തെ നേരിടുകയാണ് വേണ്ടതെന്ന് അദ്ദേഹം പറഞ്ഞു. തുടക്കം മുതല് സ്പീക്കര് അന്വേഷണത്തെ അട്ടിമറിച്ചുവെന്നും അദ്ദേഹം ആരോപിച്ചു. ഒരു സ്പീക്കറും കേരള നിയമസഭയുടെ ചരിത്രത്തില് നേരിടാത്ത ആരോപണങ്ങളാണ് ഇപ്പോള് സ്പീക്കര് നേരിടുന്നതെന്നും അദ്ദേഹം പറഞ്ഞു.