ശ്രീജ.എസ്
ന്യൂഡല്ഹി: ഡല്ഹി സര്വകലാശാലയിലെ ഒമ്പത് വിദേശ വിദ്യാര്ഥിനികള്ക്ക് കോവിഡ്. സര്വകലാശാലയിലെ ഇന്റര്നാഷണല് ഹോസ്റ്റലിലെ വിദ്യാര്ഥിനികള്ക്കാണ് രോഗം ബാധിച്ചത്. ശ്രീലങ്ക, മൗറീഷ്യസ്, ഇറാന് എന്നിവിടങ്ങളില്നിന്നുള്ള വിദ്യാര്ഥികളാണിവര്. ഇവരെ ചികിത്സയ്ക്കായി എയിംസിലേക്ക് മാറ്റി.
മൗറീഷ്യസില്നിന്നുള്ള വിദ്യാര്ഥിനി നാട്ടിലേക്കുപോകാന് തയാറെടുത്തപ്പോള് കോവിഡ് പരിശോധന നടത്തണമെന്ന് എംബസി ആവശ്യപ്പെട്ടു. ഇതിനെ തുടര്ന്ന് നടത്തിയ പരിശോധനയില് ഈ വിദ്യാര്ഥിനി കോവിഡ് പോസ്റ്റീവ് ആണെന്ന് കണ്ടെത്തി. ജൂണ് അഞ്ച് വെള്ളിയാഴ്ചയാണ് ഈ വിദ്യാര്ഥിനിയുടെ പരിശോധനാ ഫലം എത്തിയത്.
ഇതോടെ ഈ വിദ്യാര്ഥിനി താമസിച്ച ഹോസ്റ്റലിലെ 44 വിദ്യാര്ഥിനികളെയും പരിശോധനയ്ക്കു് വിധേയരാക്കുകയായിരുന്നു. ഇവരില് എട്ടു പേരുടെ പരിശോധനാ ഫലമാണ് പോസിറ്റീവായത്. ഇവര്ക്ക് ആര്ക്കും തന്നെ കോവിഡ് രോഗലക്ഷണമില്ലെന്നതും പ്രത്യേകതയാണ്.