പ്രതിരോധ രംഗത്ത് കൈകോർത്ത് ഇന്ത്യയും സൗദിയും

ന്യൂഡൽഹി : പ്രതിരോധ മേഖലയിൽ ലോകരാജ്യങ്ങളുമായുള്ള ബന്ധം ശക്തിപ്പെടുത്തി ഇന്ത്യ. ഇതിന്റെ ഭാഗമായി സൗദി അറേബ്യൻ സൈന്യവുമായി ചേർന്ന് ഇന്ത്യൻ സൈന്യം സൈനിക അഭ്യാസ പ്രകടനങ്ങൾ നടത്തും. ചരിത്രത്തിൽ ആദ്യമാണ് സൗദി അറേബ്യൻ സൈന്യവുമായി ചേർന്ന് ഇന്ത്യ അഭ്യാസ പ്രകടനത്തിൽ ഏർപ്പെടുന്നത്.

അടുത്തിടെയായി പ്രതിരോധ രംഗത്തെ ഇന്ത്യ- സൗദി അറേബ്യ ബന്ധം മെച്ചപ്പെട്ടുവരികയാണ്. കഴിഞ്ഞ വർഷം ഡിസംബറിൽ ആദ്യമായി കരസേന മേധാവി മേജർ ജനറൽ എംഎം നരവനെ സൗദി അറേബ്യ സന്ദർശിച്ചത് നിർണ്ണായകമായിരുന്നു. ഇതിന് പിന്നാലെയാണ് അഭ്യാസ പ്രകടനം നടത്താൻ തീരുമാനിച്ച റിപ്പോർട്ടുകൾ പുറത്തുവരുന്നത്.