മദ്യവില വർധിപ്പിക്കാൻ ഗവർണറുടെ അനുമതി

ശ്രീജ.എസ്

തിരുവനന്തപുരം ∙ മദ്യ വില വർധിപ്പിക്കാനുള്ള ഓര്‍ഡിനൻസിന് ഗവർണറുടെ അനുമതി. ഇതു സംബന്ധിച്ച ഗസറ്റ് വിജ്ഞാപനം പുറത്തിറങ്ങിയതോടെ വിലവർദ്ധന നിലവിൽ വന്നു. കോവിഡ് ബാധയെത്തുടർന്നുണ്ടായ സാമ്പത്തിക പ്രതിസന്ധി നേരിടാനാണ് മദ്യ വില വർദ്ധിപ്പിക്കാൻ സർക്കാർ തീരുമാനിച്ചത്. 10% മുതൽ 35% വരെ വില കൂട്ടാനാണ് മന്ത്രിസഭ അംഗീകാരം നൽകിയത്.

കൂടുതൽ വിറ്റഴിക്കപ്പെടുന്ന ബ്രാൻഡുകൾക്ക് 60 മുതൽ 120 വരെ രൂപ കൂടും. 2000 കോടിരൂപയുടെ അധികവരുമാനം പ്രതീക്ഷിക്കുന്നു. വെർച്വൽ ക്യൂ സംവിധാനം തയാറായി മദ്യശാലകൾ തുറക്കുമ്പോൾ കൂടിയ തുക ഈടാക്കും.