![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
തൃശൂര്‍: കോവിഡ് കാലത്ത് രോഗനിര്‍ണയത്തിന് മാത്രമായി നടത്തുന്ന പോസ്റ്റ്മോര്‍ട്ടങ്ങള്‍ ഒഴിവാക്കണമെന്ന അഭിപ്രായം ഫോറന്‍സിക് വിദഗ്ധരില്‍ ശക്തമാകുന്നു. കോവിഡ് ആരോഗ്യപ്രവര്‍ത്തകരെയും കീഴടക്കുന്ന സാഹചര്യത്തിലാണ് ആവശ്യമുയരുന്നത്. ഇത്തരം പോസ്റ്റ്മോര്‍ട്ടങ്ങള്‍ ചെയ്യേണ്ടതിനെക്കുറിച്ച്‌ ഐ.സി.എം.ആര്‍ മാര്‍ഗരേഖ പുറപ്പെടുവിച്ചിട്ടുണ്ട്. പക്ഷേ, കേരളത്തില്‍ ഇത്തരത്തില്‍ മാര്‍ഗരേഖയില്ലാത്തതാണ് പ്രശ്നമെന്ന് ഇവര്‍ ചൂണ്ടിക്കാണിക്കുന്നു. പോസ്റ്റ്മോര്‍ട്ടം പരിശോധന നിയമപരമായ കണ്ടെത്തലാണ്. സംശയസാഹചര്യമോ, സൂചനകളോ ഉണ്ടെങ്കില്‍ മാത്രമേ ഇത്തരം പോസ്റ്റ്മോര്‍ട്ട പരിശോധനകള്‍ക്ക് പ്രസക്തിയുള്ളൂ. മതിയായ സുരക്ഷ സൗകര്യങ്ങളില്ലാതെയാണ് മെഡിക്കല്‍ കോളജുകളിലെ ഫോറന്‍സിക് വിഭാഗങ്ങളുടെ പ്രവര്‍ത്തനം.
