ശ്രീജ.എസ്
ഡല്ഹി: ലോകത്തെ പ്രബല രാജ്യങ്ങള് മാതൃകാപരമായി അന്തരാഷ്ട്ര നിയമങ്ങളെ മാനിക്കുകയും മറ്റു രാജ്യങ്ങളുടെ താല്പര്യങ്ങള് തിരിച്ചറിയുകയും ചെയ്യണമെന്ന് കേന്ദ്ര വിദേശകാര്യ മന്ത്രി എസ്. ജയശങ്കര്. അതിര്ത്തി തര്ക്കങ്ങളും സംഘര്ഷവും സമാധാന ചര്ച്ചകളും നിലനില്ക്കേ ചൈനയുടെ പേരെടുത്തു പറയാതെയായിരുന്നു മന്ത്രിയുടെ പരാമര്ശം. ഇന്ത്യ, റഷ്യ, ചൈന വിദേശകാര്യ മന്ത്രിമാരുടെ വെര്ച്വല് യോഗത്തില് സംസാരിക്കുകയായിരുന്നു മന്ത്രി.
ചൈനയുടെ വിദേശകാര്യ മന്ത്രി വാംഗ് യിയെ സാക്ഷി നിര്ത്തിയായിരുന്നു. ഇന്ത്യന് വിദേശകാര്യമന്ത്രിയുടെ പ്രസ്താവന. കിഴക്കന് ലഡാക്കിലെ ഗല്വാന് താഴ്വരയില് 20 ഇന്ത്യന് സൈനികര് കൊല്ലപ്പെട്ട ആക്രമണത്തിന് ശേഷം ജയശങ്കറും വംഗ് യിയും ആദ്യമാണ് ഒരു യോഗത്തില് ഒരുമിച്ചു പങ്കെടുക്കുന്നത്.