ബിജെപി നേതാക്കൾ തന്നെ കൊല്ലാൻ ഗൂഢാലോചന നടത്തുന്നു; മമതാ ബാനർജി

കൊൽക്കത്ത : പശ്ചിമ ബംഗാളിൽ ബിജെപിയ്‌ക്കെതിരെ കാലിലെ പരിക്ക് ആയുധമാക്കി മുഖ്യമന്ത്രി മമതാ ബാനർജി. ബിജെപി തന്നെ കൊല്ലാൻ ഗൂഢാലോചന നടത്തുന്നുവെന്ന് മമത ആരോപിച്ചു. ബങ്കുരയിലെ തെരഞ്ഞെടുപ്പ് റാലിയിലായിരുന്നു ബിജെപിയ്‌ക്കെതിരെ ആരോപണവുമായി മമതാ ബാനർജി രംഗത്ത് വന്നത്.

ബിജെപി നേതാവും കേന്ദ്ര ആഭ്യന്തര മന്ത്രിയുമായ അമിത് ഷാ തൃണമൂൽ നേതാക്കളെ വകവരുത്താനുള്ള ഗൂഢാലോചനയിലാണ്. റാലിയിലെ കുറഞ്ഞ ജന പ്രാതിനിധ്യം അമിത് ഷായെ അസ്വസ്ഥനാക്കുന്നു. എന്താണ് ഇവർക്ക് വേണ്ടത്?. തന്നെ കൊല്ലണമോ ?. തന്നെ ഇല്ലാതാക്കിക്കൊണ്ട് തെരഞ്ഞെടുപ്പിൽ ജയിക്കാമെന്നാണോ ബിജെപി ചിന്തിക്കുന്നതെന്നും മമതാ ബാനർജി ചോദിച്ചു.