ന്യുഡല്ഹി: കോവിഡ് 19 ഡെല്റ്റ പ്ലസ് വകഭേദം നേരിടാന് കോവാക്സിന് ഫലപ്രദമാണെന്ന് ഇന്ത്യന് കൗണ്സില് ഓഫ് മെഡിക്കല് റിസേര്ച് (ഐ.സി.എം.ആര്). അതേസമയം, ഭാരത് ബയോടെക് നിര്മ്മിക്കുന്ന കോവാക്സിന്റെ വില്പ്പനയില് 5% റോയല്റ്റി ഐ.സി.എം.ആറിന് നല്കും. ഐ.സി.എം.ആറിന്റെ കൂടി സഹായത്തോടെ വികസിപ്പിച്ച വാക്സിന് ആയതിനാലാണ് ബൗദ്ധിക സ്വത്തവകാശ നിയമപ്രകാരം റോയല്റ്റി നല്കുന്നത്.
വാക്സിന് ബോക്സുകളില് ഐ.സി.എം.ആര്- നാഷണല് ഇന്സ്റ്റിറ്റിയുട്ട് ഓഫ് വൈറോളജിയുടെ പേര് കൂടി ചേര്ക്കാമെന്നും ധാരണാപത്രത്തില് ഉണ്ടെന്നും ഐ.സി.എം.ആര് ഡയറക്ടര് ജനറല് ബല്റാം ഭാര്ഗവ വ്യക്തമാക്കി.
ജനുവരി 16നാണ് രാജ്യത്ത് വാക്സിനേഷന് ആരംഭിച്ചത്. 45 കോടിയിലേറെ ഡോസ് വാക്സിന് വിതരണം കഴിഞ്ഞപ്പോള് 5 കോടിയിലേറെ മാത്രമാണ് കോവാക്സിന് വിതരണം ചെയ്തത്. കോവാക്സിന് പരീക്ഷണത്തിന് സര്ക്കാര് പണം ചെലവാക്കിയിട്ടുണ്ട്. ക്ലിനിക്കല് പരീക്ഷണത്തിന് മാത്രം 35 കോടി മുടക്കിയതായി കേന്ദ്രസര്ക്കാരും വ്യക്തമാക്കിയിരുന്നു.
അതേസമയം, ഐ.സി.എം.ആര് റോയല്റ്റി ഒഴിവാക്കിയാല് വാക്സിന് വില കുറയ്ക്കാന് കഴിയുമെന്നും ഒരു വിഭാഗം വിദഗ്ധര് അഭിപ്രായപ്പെടുന്നു.