തായ്‌വാനെതിരെ പ്രകോപനവുമായി വീണ്ടും ചൈന

തായ്‌പേയ്: തായ്‌വാനെതിരെ വീണ്ടും പ്രകോപനം സൃഷ്ടിച്ച് ചൈന. പത്തിലേറെ യുദ്ധവിമാനങ്ങളെ തായ്വാൻ അതിർത്തിക്കപ്പുറത്തുകൂടെ പറത്തിയാണ് ബീജിംഗിന്റെ വെല്ലുവിളി. തായ്‌വാനെ കടലിലും കരയിലും ആകാശത്തും ഒരു പോലെ നേരിടുമെന്ന ചൈനയുടെ ഭീഷണിക്കെതിരെ അമേരിക്ക മുന്നേ രംഗത്തെ ത്തിയിരുന്നു.

പത്തിലേറെ വിമാനങ്ങൾ തായ് വാന്റെ അന്താരാഷ്ട്ര അതിർത്തിയായ പ്രദേശത്തു കൂടെയാണ് പറന്നിരിക്കുന്നത്.നാല് ജെ-16, നാല് ജെ-10, ഒരു വൈ-8, ഒരു കെ.ജെ-500 എന്നീ വിമാനങ്ങളാണ് പറന്നത്. കഴിഞ്ഞ വെള്ളിയാഴ്ച 20 വിമാനങ്ങൾ പറത്തിയ സംഭവത്തിന് പിന്നാലെയാണ് വീണ്ടും പ്രകോപനം നടത്തിയത്.

തായ്‌വാൻ അമേരിക്കയുമായി പ്രതിരോധ വാണിജ്യ മേഖലകളിൽ ഉണ്ടാക്കിയി രിക്കുന്ന കരാറുകളിൽ നിന്നും പിന്മാറണമെന്ന് ചൈന നിരന്തരമായി ആവശ്യ പ്പെടുകയാണ്. എന്നാൽ ബീജിംഗിന്റെ വെല്ലുവിളിയെ തളളിയുള്ള തായ്വാന്റെ സമീപനത്തിനെതിരെയാണ് ചൈന സൈനിക നീക്കത്തിലൂടെ ഭീഷണി മുഴുക്കുന്നത്.