സിന്ധുമോള് ആര്
ചെന്നൈ: കോവിഡിനെതിരായ ‘കോവാക്സിന്’ പ്രതിരോധ മരുന്നിന്റെ മനുഷ്യരിലെ പരിശോധന ചെന്നൈയിലെ എസ്.ആര്.എം മെഡിക്കല് കോളജ് ഹോസ്പിറ്റല് ആന്ഡ് റിസര്ച്ച് സെന്ററില് തുടങ്ങി. മനുഷ്യരില് പരിശോധന നടത്തുന്ന രാജ്യത്തെ രണ്ടാമത്തെ കേന്ദ്രമാണിത്.
നേരത്തെ ഹൈദരാബാദ് നിസാംസ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലാണ് ആദ്യം പരീക്ഷണമാരംഭിച്ചത്. ഹൈദരാബാദിലെ ഭാരത് ബയോടെക്, ഇന്ത്യന് കൗണ്സില് ഓഫ് മെഡിക്കല് റിസര്ച്, ഐസി.എം.ആര്), നാഷനല് ഇന്സ്റ്റിറ്റ്യൂട്ട് ഓഫ് വൈറോളജി എന്നിവ സംയുക്തമായി നിര്മിച്ച കോവാക്സിനാണ് രാജ്യത്തെ 12 കേന്ദ്രങ്ങളില് മനുഷ്യരില് പരീക്ഷിക്കുന്നത്.
വ്യാഴാഴ്ച രണ്ടുപേരിലാണ് കോവാക്സിന് കുത്തിവെച്ചത്. നേരത്തെ എസ്.ആര്.എം റിസര്ച്ച് സെന്ററില് ഡയറിയ, ഹെപ്പറ്റൈറ്റിസ് ബി, ഡിഫ്ത്തീരിയ തുടങ്ങിയ രോഗങ്ങള്ക്കുള്ള റോട്ടവൈറസ് വാക്സിന്റെ ഗവേഷണവും നടത്തിയിരുന്നു.