![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
ഭോപ്പാല്‍: മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനു കോവിഡ്-19 സ്ഥിരീകരിച്ചു. പരിശോധനാഫലം പോസിറ്റീവാണെന്നു 61 കാരനായ മുഖ്യമന്ത്രി ട്വിറ്ററിലൂടെ വെളിപ്പെടുത്തി. ചൗഹാനെ ഭോപ്പാലിലെ ചിരായു മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
രോഗലക്ഷണങ്ങള്‍ നേരത്തെ പ്രകടമായിരുന്നുവെന്നും പരിശോധനയില്‍ ഫലം പോസിറ്റീവാണെന്നും മുഖ്യമന്ത്രി ട്വീറ്റ് ചെയ്യുകയായിരുന്നു. സഹപ്രവര്‍ത്തകര്‍ കോവിഡ് ടെസ്റ്റ് നടത്തണമെന്നും അടുത്തു സമ്പര്‍ക്കം പുലര്‍ത്തിയവര്‍ ക്വാറന്റീനില്‍ പ്രവേശിക്കണമെന്നും അദ്ദേഹം അഭ്യര്‍ഥിച്ചു. ആദ്യമായാണ് രാജ്യത്ത് ഒരു മുഖ്യമന്ത്രി കോവിഡ് പോസിറ്റീവാകുന്നത്.
