സിന്ധുമോള് ആര്
ന്യൂഡല്ഹി: കൊവിഡ് കാലത്തെ ലോക്ഡൗണ് മൂലം കഴിഞ്ഞ രണ്ട് മാസമായി കുത്തനെ ഉയര്ന്ന രാജ്യത്തെ തൊഴിലില്ലായ്മ നിരക്ക് ഏതാണ്ട് പകുതിലധികം കുറഞ്ഞു. മേയ് മാസത്തില് 23.48 ശതമാനം എന്നത് ജൂണ് മാസത്തില് 10.99% ആയി കുറഞ്ഞു. ഇന്ത്യന് സമ്ബദ്വ്യവസ്ഥ നിരീക്ഷണ കേന്ദ്രം (സി.എം.ഇ.ഐ) പുറത്തിറക്കിയ പ്രതിമാസ കണക്കിലാണ് ഈ പുതിയ വിവരം. ലോക്ഡൗണിന് ശേഷം രാജ്യത്ത് തൊഴിലുകള് പുനരാരംഭിച്ചതിന്റെ പ്രതിഫലനമാണിത്. മണ്സൂണ് കാലത്ത് വിളവിറക്കി മഴക്കാല അവസാനത്തോടെ വിളവെടുക്കുന്ന ഖാരിഫ് കൃഷി രാജ്യത്ത് ആരംഭിച്ചതും തൊഴിലില്ലായ്മ കുറയാന് കാരണമായി.
ഗ്രാമീണ ഇന്ത്യയിലെ തൊഴിലില്ലായ്മ നിരക്ക് മേയ് മാസത്തില് 22.48% ആയിരുന്നു. എന്നാല് ജൂണ് മാസത്തില് അത് 10.52 ശതമാനമായി കുറഞ്ഞിട്ടുണ്ട്. 25.79 ആയിരുന്ന നഗരങ്ങളിലെ തൊഴിലില്ലായ്മ നിരക്ക് 12.02 % ആയി.എന്നാല് ഫെബ്രുവരി, മാര്ച്ച് മാസങ്ങളെ അപേക്ഷിച്ച് ഈ നിരക്ക് വളരെ കൂടുതല് തന്നെയാണ്. മാര്ച്ചില് ആകെ തൊഴിലില്ലായ്മ നിരക്ക് 8.75 ഉം ഫെബ്രുവരിയില് 7.76ഉം ആയിരുന്നു.
മേയ് 3ന് 26.16 ശതമാനമായിരുന്ന ഗ്രാമീണ ഇന്ത്യയിലെ തൊഴിലില്ലായ്മ ജൂണ് 21 ആയപ്പോഴേക്കും 7.26% കുറഞ്ഞു. സി.എം.ഇ.ഐ നല്കുന്ന ജൂണ് 28ന് അവസാനിക്കുന്ന പ്രതിവാര നിരക്കില് നഗരങ്ങളിലെ തൊഴിലില്ലായ്മ 10.69 ശതമാനമാണ്. ജൂണ് 21ന് ഇത് 11.29 ആയിരുന്നു. ഗ്രാമീണ തൊഴിലില്ലായ്മ നിരക്കും ദേശീയ തൊഴിലില്ലായ്മ നിരക്കും 7.26 ല് നിന്ന് 7.62 ആയും ഉയര്ന്നിരിക്കുകയാണ്.