പ്രളയകാല മുന്നൊരുക്കങ്ങൾ :മലപ്പുറത്ത് എ ഡി എമ്മിന്റെ നേതൃത്വത്തിൽ യോഗം ചേർന്നു

പി.വി.എസ്

മലപ്പുറം: ജില്ലയിലെ പ്രളയകാല മുന്നൊരുക്കങ്ങൾ വിലയിരുത്തുന്നതിന് എ.ഡി.എം എൻ.എം. മെഹറലിയുടെ നേതൃത്വത്തിൽ യോഗംചേർന്നു. 85,000 പ്രളയബാധിതർക്ക് താമസിക്കാൻകഴിയുന്ന 549 ക്യാമ്പുകൾ സജ്ജീകരിക്കാൻ തീരുമാനിച്ചു. കോവിഡ് മാനദണ്ഡങ്ങൾക്കനുസരിച്ച് നാലുതരത്തിലുള്ള ക്യാമ്പുകളാണ് തയ്യാറാക്കുന്നത്. പ്രളയത്തിൽ ഒറ്റപ്പെടാൻ സാധ്യതയുള്ള പ്രദേശങ്ങളിൽ അവശ്യരക്ഷാ ഉപകരണങ്ങളോടുകൂടി പോലീസ്, അഗ്‌നിരക്ഷാസേന, സന്നദ്ധപ്രവർത്തകർ തുടങ്ങിയവരെ നിയോഗിക്കും.