ശ്രീജ.എസ്
രക്ഷാബന്ധന് ദിനത്തില് രാഷ്ട്രപതി രാം നാഥ് കോവിന്ദിന് രാഖി അണിയിച്ച് മലയാളി നഴ്സുമാര്. പ്രസിഡന്ന്റിന് സെക്രട്ടേറിയറ്റ് ക്ലിനിക്കിലെ സീനിയര് നഴ്സിംഗ് ഓഫീസര് ബിന്ദു ഷാജി, നഴ്സിംഗ് ഓഫീസര് ആശ തോമസ്, പബ്ലിക് ഹെല്ത്ത് നഴ്സിംഗ് ഓഫീസര് ഷീല നായര്, മിലിട്ടറി നഴ്സിംഗ് വിഭാഗത്തിലെ ക്യാപ്റ്റന് കെ.ആര്. കീര്ത്തി എന്നിവരാണ് ചടങ്ങില് പങ്കെടുത്തത്.
ട്രെയിന്ഡ് നഴ്സസ് അസോസിയേഷന് ഓഫ് ഇന്ത്യ, മിലിറ്ററി നഴ്സിംഗ് സര്വീസ്, പ്രസിഡന്റ്സ് എസ്റ്റേറ്റ് ക്ലിനിക് എന്നിവിടങ്ങളില്നിന്നുള്ള നഴ്സിംഗ് പ്രതിനിധികളാണ് ഇന്നലെ രാഷ്ട്രപതിയെ സന്ദര്ശിച്ച് രാഖിയും ആശംസകളും കൈമാറിയത്. കോവിഡ് 19 നേരിടുന്നതിലെ അനുഭവങ്ങളും അവര് വിശദീകരിച്ചു.
മറ്റുള്ളവരുടെ ജീവന് സംരക്ഷിക്കാന് സ്വജീവന് പണയപ്പെടുത്തി സേവനമനുഷ്ഠിക്കുന്ന രക്ഷകരാണ് നഴ്സുമാരെന്നു രാഷ്ട്രപതി പറഞ്ഞു. കൊറോണ ബാധിതരെ പരിചരിച്ചതിനെത്തുടര്ന്നു രോഗം പിടിപെടുകയും രോഗമുക്തി നേടിയശേഷം വര്ധിച്ച ഊര്ജത്തോടെ ജോലിയില് തിരികെ പ്രവേശിക്കുകയും ചെയ്ത മിലിറ്ററി നഴ്സിംഗ് സര്വീസിലെ രണ്ട് അംഗങ്ങളുടെ സേവനം രാഷ്ട്രപതി എടുത്തുപറഞ്ഞു.