ശ്രീജ.എസ്
ന്യൂഡല്ഹി: ചീഫ് ജസ്റ്റീസ് ഉള്പ്പെടെ ജഡ്ജിമാര്ക്കെതിരായ പരാമര്ശത്തില് അഭിഭാഷകന് പ്രശാന്ത് ഭൂഷന്റെ വിശദീകരണവും ഖേദപ്രകടനവും സുപ്രീം കോടതി തള്ളി. അഴിമതിയെക്കുറിച്ച് പ്രശാന്ത് ഭൂഷന് നടത്തിയ പരാമര്ശം കോടതിയലക്ഷ്യമാകുമോയെന്ന് പരിശോധിക്കേണ്ടതുണ്ടെന്ന് കോടതി പറഞ്ഞു.
കേസില് വിശദമായ വാദം കേള്ക്കാന് ജസ്റ്റീസ് അരുണ് മിശ്ര അധ്യക്ഷനായ ബഞ്ച് തീരുമാനിച്ചു. അടുത്ത തിങ്കളാഴ്ച കോടതി കേസ് വീണ്ടും പരിഗണിക്കും. പ്രശാന്ത് ഭൂഷണ് എതിരെ ഹരീഷ് സാല്വെ നല്കിയ കോടതിയലക്ഷ്യ ഹര്ജിയാണ് ഇപ്പോള് കോടതി പരിഗണിക്കുന്നത്. 2009 ല് തെഹല്ക്ക മാഗസിന് നല്കിയ അഭിമുഖത്തില് 16 സുപ്രീം കോടതി ചീഫ് ജസ്റ്റീസുമാരില് എട്ട് പേരും അഴിമതിക്കാരാണെന്ന് പ്രശാന്ത് ഭൂഷണ് പറഞ്ഞിരുന്നു. ഇതാണ് പരാതിക്ക് ഇടയാക്കിയത്.