ശ്രീജ.എസ്
ന്യൂഡല്ഹി: പരിസ്ഥിതി ആഘാത പഠനം 2020ന്റെ കരട് വിജ്ഞാപനത്തില് ജനങ്ങള്ക്ക് അഭിപ്രായങ്ങളും നിര്ദ്ദേശങ്ങളും അറിയിക്കാനുള്ള അവസാന ദിനം ഇന്ന്. ഇതുവരെ നാലര ലക്ഷത്തിലധികം കത്തുകളാണ് പരിസ്ഥിതി മന്ത്രാലയത്തിന് ലഭിച്ചത്. ഇന്ന് വൈകുന്നേരം വരെ കിട്ടുന്ന അഭിപ്രായങ്ങളും നിര്ദ്ദേശങ്ങളും പരിശോധിച്ചാകും അന്തിമ വിജ്ഞാപനം പുറത്തിറക്കുക.
മാര്ച്ച് 22നാണ് പരിസ്ഥിതി ആഘാത പഠനത്തിനുള്ള നിര്ദ്ദേശങ്ങളിലെ ഭേദഗതിക്കായുള്ള കരട് വിജ്ഞാപനം തയ്യാറാക്കിയത്. ഏപ്രില് 11നാണ് കരട് വിജ്ഞാപനം പൊതുജനങ്ങളുടെ അഭിപ്രായത്തിനായി പ്രസിദ്ധീകരിച്ചത്.
പരിസ്ഥിതി ആഘാത പഠനമോ മുന്കൂ൪ അനുമതിയോ ഇല്ലാതെ വന്കിട വ്യവസായ പദ്ധതികള്ക്ക് അനുമതി നല്കുന്നത് അടക്കമുള്ള വിവാദ കരട് വിജ്ഞാപനത്തിനെതിരെ വ്യാപക വിമ൪ശമാണ് ഉയ൪ന്നിരിക്കുന്നത്.