സിന്ധുമോള് ആര്
മലപ്പുറം: ഓണ്ലൈനില് ഫോണ് ഓര്ഡര് ചെയ്തവര്ക്ക് കരിങ്കല്ലും ഇഷ്ടികയുമൊക്കെ പാര്സല് ലഭിച്ച സംഭവങ്ങള് നിരവധിയുണ്ട്. എന്നാല്, 1,400രൂപയുടെ പവര് ബാങ്ക് ഓര്ഡര് ചെയ്തപ്പോള് 8,000 രൂപ വിലമതിക്കുന്ന ഫോണ്. ആഗസ്ത് 10 നാണ് ഷവോമിയുടെ 1,400രൂപ വിലയുള്ള 20,000 എം.എ.എച്ച് പവര് ബാങ്കിന് നബീല് ബുക്ക് ചെയ്തത്. ആഗസ്ത് 15ന് പാഴ്സലായി സാധനം എത്തി. പെട്ടി പൊളിച്ചപ്പോള് നബീല് ഞെട്ടി. ഷവോമിയുടെ തന്നെ 8,000 രൂപ വിലമതിക്കുന്ന റെഡ് മി എട്ട് എ ഡ്യുവല് എന്ന ഫോണായിരുന്നു അത്.
അബദ്ധം കൈയ്യോടെ തന്നെ ഓണ്ലൈന് വില്പനക്കാരായ ആമസോണിനെ അറിയിച്ചപ്പോള് സത്യസന്ധതയെ അവര് അഭിനന്ദിച്ചു. ഒപ്പം, അറിയിച്ചപ്പോള് സ്വാതന്ത്രദിന സമ്മാനമായി വെച്ചോളാനും ആ ഫോണ് താങ്കള് തന്നെ ഉപയോഗിച്ചോളൂ എന്ന ട്വീറ്റും മറുപടിയായി നല്കി.