വി.എം.സുരേഷ്കുമാർ
വടകര : പേരാമ്പ്ര മാര്ക്കറ്റില് മല്സ്യവില്പനയുമായി ബന്ധപ്പെട്ട തര്ക്കം സംഘര്ഷത്തില് കലാശിച്ചു. കോവിഡ് മാനദണ്ഡങ്ങള് ലംഘിച്ച് രാവിലെ സിപിഎം-ലീഗ് പ്രവര്ത്തകര് ഏറ്റുമുട്ടി. ലീഗ് വിട്ട് സിപിഎമ്മില് ചേര്ന്ന അഞ്ച് പേര് മല്സ്യവില്പനയ്ക്ക് എത്തിയതോടെയാണ് തര്ക്കം തുടങ്ങിയതെന്നു പറയുന്നു. മീന് വില്ക്കാനെത്തിയവരെ ലീഗ് പ്രവര്ത്തകര് തടഞ്ഞതിനെ തുടര്ന്ന് പ്രാദേശിക നേതാക്കളുടെ നേതൃത്വത്തില് സിപിഎം പ്രവര്ത്തകര് കൂട്ടമായെത്തി മാര്ക്കറ്റിലുള്ളവരെ മര്ദിക്കുകയായിരുന്നു. ലീഗ് പ്രവര്ത്തകരും തിരിച്ചടിച്ചു. വാഹനം തകര്ത്തു. ഏറെ നേരം ഇരുകൂട്ടരും നിന്ന് തല്ലുന്ന രംഗം പ്രദേശത്തെ യുദ്ധക്കളമാക്കി.
സംഘര്ഷത്തില് പതിനഞ്ചിലധികം പേര്ക്ക് പരിക്കേറ്റിട്ടുണ്ടെന്നാണ് പോലീസ് നല്കുന്ന വിവരം. പരിക്കേറ്റവരെ വിവിധ ആശുപത്രികളില് പ്രവേശിപ്പിച്ചു. സംഭവത്തില് പ്രതിഷേധിച്ച് യുഡിഎഫ് പേരാമ്പ്ര ടൗണില് ഹര്ത്താല് പ്രഖ്യാപിച്ചു.
https://www.facebook.com/SanthigiriNews/videos/337664094073916/